Երբ մի օր որոշեմ լքել ձեր շարքերը, խնդրում եմ՝ ճիշտ հասկանալ, խիստ չդատել․ այստեղ չեմ գտնվելու

Ոչ մեկիդ համար գաղտնիք չէ, որ ունեմ առողջական խնդիրներ, որով պայմանավորված տեւական շրջան, 2019-ին մի ամբողջ նստաշրջան ստիպված էի բացակայել ավագանու նիստերից: Այս մասին այսօր՝ փետրվարի 12-ին, Երեւանի ավագանու արտահերթ նիստում նշեց «Իմ քայլը» խմբակցության ղեկավար Սուրեն Էյրամջյանը:

«Դրանով պայմանավորված էլի որոշ ժամանակ ստիպված եմ լինել պասիվ: Մոտ ապագայում երեւի թե ես այլեւս այստեղ չգտնվեմ: Սա պրոցեսի հարց է, խնդրում եմ ճիշտ հասկանալ: Նաեւ ուզում եմ նորողություն խնդրել մեր ընտրողներից, եթե ստիպված լինեմ ճանապարհի կեսից լքել իմ դերակատարումը: Նորղություն խնդրել կիսատ թողած գործերի համար, շնորհակալություն հայտնել առաջին հերթինքաղաքապետին, մեր խմբակցությանը, մյուս խմակցության անդամներին, նաեւ աշխատակազմին: Ես հստակ չեմ կարող հստակ ասել, թե երբ դա տեղի կունենաբայց մոտակա նիստերին ես կրկին բացակա կլինեմ: Ինձ համար մեծ պատիվ է եղել լինել այստեղ»,-ասաց նա:

Քաղաքապետ Հայկ Մարությանը նշեց. «Աստված առողջություն տա ձեզ, մեր ազգին: Դուք միշտ փորձել եք առավելագույնը անել մեր քաղաքի համար: Ձեզ առողջություն, գրկում եմ ձեզ»: