Հանրապետական ​​կուսակցությունը երբեք չի կարող ուժեղ լինել և հարգված՝ քաղաքական «առաջնորդների» կողմից․ Թրամփը՝ իր հասցեին հնչեցրած մեղադրանքների մասին

ԱՄՆ նախկին նախագահ Դոնալդ Թրամփը կատաղի քննադատություններ է հնչեցրել Սենատի հանրապետական ​​առաջնորդ Միթչ Մաքքոնելի հասցեին:
Ավելի վաղ Մաքքոնելը կոչ էր արել «քաղաքական ու բարոյական պատասխանատվության» ենթարկել Թրամփին՝ որպես պետության ղեկավարի՝ ամեն ինչի, մասնավորապես՝ Կապիտոլիումում հունվարի 6-ին տեղի ունեցած անկարգությունների համար:
«Հանրապետական ​​կուսակցությունը երբեք չի կարող ուժեղ լինել և հարգված՝ քաղաքական «առաջնորդների» կողմից», - ասել է նախկին նախագահը իր գրավոր հայտարարության մեջ: Թրամփը կարծում է, որ Մաքքոնելը հավատարիմ է «ստատուս քվոյի» քաղաքականությանը, որ չունի քաղաքական ինտուիցիա, իմաստություն, հմտություն և անձնական որակներ: Այդ պատճառով, ըստ նախկին նախագահի, հանրապետականները, ընտրությունների արդյունքներին հետևելով, դադարեցին Սենատում մեծամասնական խմբակցություն լինելուց: Թրամփը նաև հավելել է, որ Մաքքոնելը «խնդրել է» իրեն՝ աջակցելու իր թեկնածությանը Քենթուքիի 2020 թվականի Ընտրություններում: Թրամփը ափսոսանք է հայտնել, որ համաձայնել է և օգնել սենատորի վերընտրմանը: «Որքա՞ն արագ է Մաքքոնելը մոռանում ամեն ինչի մասին»,֊հավելել է Թրամփը:
Նա նաև մեղադրել է իր քաղաքական հակառակորդին «Չինաստանի տնտեսական և ռազմական սպառնալիքի դեմ» ոչինչ չձեռնարկելու մեջ, քանի որ նրա ընտանիքը մեծ ներդրումներ ունի չինական ակտիվներում: Միևնույն ժամանակ, հայտնի է, որ Մաքքոնելը նախորդ շաբաթ դեմ էր քվեարկել Թրամփի իմպիչմենթին։