Daft Punk-ը հայտարարել է դուետի լուծարման մասին (տեսանյութ)

Ֆրանսիական Daft Punk էլեկտրոնային դուետը հայտարարել է իրենց դուետի լուծարման մասին՝ YouTube-ում տեղադրելով ութ րոպեանոց «Epilogue» (Վերջաբան) խորագրով տեսանյութ:
Խումբը գոյություն է ունեցել 28 տարի: Թոմ Բանգալտերը և Գի֊Մաուել դե Օմեմ֊Քրիստոն իրենց համագործակցության ավարտի մասին հայտարարել են հրաժեշտի տեսանյութի թողարկմամբ, որտեղ նրանք քայլում են անապատով: Արդյունքում՝ դուետի երկու անդամներից մնում է միայն մեկը: Դրանից հետո էկրանին ցուցադրվում են ամսաթվերը`1993-2021: Դուետի գոյության ընթացքում երաժիշտները թողարկել են չորս ալբոմ: Daft Punk–ը շահել է Գրեմմիի յոթ մրցանակ, որոնցից երկուսը շնորհվել են «Get Lucky» երգի համար, որը ձայնագրվել է Փարել Ուիլյամսի հետ, իսկ դուետի չորրորդ ալբոմը՝ «Random Access Memories»֊ը, ճանաչվել է «Տարվա լավագույն ալբոմ»: