Սի Ցզինպինը հայտարարել է Չինաստանում ծայրահեղ աղքատության դեմ լիակատար հաղթանակի մասին

Չինաստանը լիակատար հաղթանակ է տարել բացարձակ աղքատության դեմ, ասել է Չինաստանի նախագահ Սի Ցզինպինը աղքատության դեմ պայքարում առաջընթացի վերաբերյալ հանդիպման ժամանակ:
Ըստ նրա՝ անցած ութ տարիների ընթացքում 98,99 միլիոն բնակիչ դուրս է բերվել աղքատությունից։ Չինաստանի կառավարությունը դրա համար ծախսել է գրեթե 1,6 տրիլիոն յուան՝ մոտ 246 միլիարդ դոլար:
«Ընդհանուր առմամբ, 1970-ականների վերջին հռչակված բարեփոխումների քաղաքականության ընթացքում 770 միլիոն մարդ ազատվեց աղքատությունից»,֊ ավելացրել է Սի Ցզինպինը: «Այս ժամանակահատվածում Չինաստանը 70 %-ով ներդրում է ունեցել աղքատության վերացման դեմ համաշխարհային պայքարում: Նման հաջողություններով՝ Չինաստանը գործեց մի հրաշք, որով կմնա պատմության մեջ», - շեշտել է նախագահը: Ըստ նրա՝ անհրաժեշտ է ապահովել բնակչության ցածր եկամուտ ունեցող շերտերի և թույլ զարգացած շրջանների մուտքը «ընդհանուր միջին բարեկեցության հասարակություն»: Չինաստանի իշխանությունները նպատակ են դրել դրան հասնել 2020 թվականի վերջին՝ չնայած կորոնավիրուսի համաճարակին: