Տղամարդու «ուժը» վերականգնող բնական միջոցները

Որո՞նք են բնական այն միջոցները, որոնք նպաստում են սեռական առողջության լավացմանը։ Մեկնաբանություն ստանալու համար ԼՈւՐԵՐ.com-ը դիմեց Հայ-Ամերկյան բժշկական կենտրոնի  բժիշկ-սեքսոպաթոլոգ, բ.գ.թ. Սևադա Հակոբյանին:

-Էրեկտիլ դիսֆունկցիան կամ սեռական թուլությունը (նախկինում՝ իմպոտենցիա) դա տղամարդու սեռական անկարողությունն է իրականացնելու լիարժեք սեռական կյանք՝ պայմանավորված ոչ բավարար էրեկցիայով: 
Դրա առաջացման մեջ դերակատարում ունեն մի շարք օրգանական խնդիրներ՝ սիրտ-անոթային, նյարդային, հորմոնալ և ֆունկցիոնալ գործոններ: Սեռական այդ խանգարումը զույգի համար ունենում է խիստ բացասական և ընկճող ազդեցություն և կարող է միջանձնային կոնֆլիկտի պատճառ հանդիսանալ:

Իմբիր. այս բույսի արմատը տղամարդկանց տարբեր պատճառներով առաջացած սեռական անկարողության բուժման հարցում լայն տարածում ունի: Օգտագործման եղանակները զանազան են` թեյ իմբիրով. մեկ թեյի գդալ մանրեցված բույսի արմատների վրա լցնել մեկ բաժակ եռման ջուր:

Բուժիչ հատկությունն ավելացնելու համար ավելացնել նաև մի փոքր մեղր: Իմբիրի ալկոհոլային (սպիրտային) թուրմ պատրաստելու համար մեկ կիլոգրամ արմատը անցկացնել քերիչով և ավելացնել մեկ լիտր օղի: Այդ վիճակում թողնել 15 օր տաք տեղում:
Ստացված թուրմն ընդունել ուտելուց առաջ՝ 10 կաթիլ:

Ժենշենի թուրմ՝ պոտենցիայի բարձրացման համար. 20 գրամ մանրեցված չոր արմատը և 300մլ 70 տոկոսանոց սպիրտը խառնել և թողնել 3 շաբաթ (երբեմն թափահարել), ապա օրական երեք անգամ ուտելուց կես ժամ առաջ 25 կաթիլ ընդունել: Բուժման կուրսը բաղկացած է երկու շաբաթից, ապա 10 օր ընդմիջումից հետո նորից կրկնել:

Դդմի կորիզներ. բուժիչ հատկություն ունեն միայն դդմի հում կորիզները՝ կանաչավուն գույն ունեցող:
Սեռական դիսֆունկցիայի բուժման համար խորհուրդ է տրվում մոտ մեկ ամիս օրական երեք անգամ 40-ական հատ ընդունել:

Այս միջոցները բացարձակ չեն փոխարինում մասնագիտական լիարժեք բուժմանը և կարող են կիրառվել միայն բժշկի ցուցումներով:

Այս թեմայով Գիտնականները պարզել են, թե ինչպես է առողջ ապրելակերպն ազդում ինտիմ կյանքի վրա Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել «Օրական 12-13 անգամ». Նատալյա Շտուրմն անկեղծացել է հայ տղամարդու հետ իր սիրավեպի մասին Տղամարդկանց զգուշացրել են երկար ժամանակ սեռական հարաբերություններ չունենալու վտանգների մասին Բժիշկը պատմել է, թե ինչպես կարելի է բարձրացնել տղամարդկանց ֆերտիլությունը