«Ժողովուրդ»․ Փաշինյանի հանրահավաքին մասնակիցներ ապահովողներից էր Նոյեմբերյանի ԲԿ աշխատակազմի ղեկավարը, որի պաշտոնը հատուկ իր համար է ստեղծվել

«Մարտի 1-ին Երևանի Հանրապե­տության հրապարակում վարչապետ Նիկոլ Փաշինյանի ցույցին մասնա­կիցների քանակն ապահովողներից էր Նոյեմբերյանի բժշկական կենտրո­նի աշխատակազմի ղեկավար Հայկանուշ Բեգլարյանը: Տավուշի մարզի ԲԿ-ներում աշխատակազմի ղեկա­վարի պաշտոն չկա, դա հատուկ ստեղծվել է Նիկոլ Փաշինյանի հետ քայլած Հ. Բեգլարյանին պաշտոնով ապահովելու համար:       
Հայաստանի Հանրային հեռուստաընկերության թղ­թակից, Ալավերդի քաղաքի բնակիչ Հրաչյա Պապինյանը սոցցանցի իր էջում նշել է, որ Նոյեմբերյան քաղա­քի իր ընկերն իրեն հայտնել է, որ 2021 թ. մարտի 1-ին Նիկոլ Փաշինյա­նի կազմակերպած հանրահավաքին  մասնակցելու համար նոյեմբերյանցիներին 20 հազար դրամ են առաջար­կել:

Հ. Պապինյանը չի նշել, թե ով է իրեն հայտնած, իր ընկեր նոյեմբերյանցին: «Քաղաքացիական պայմանագիր» կուսակցության անդամ, Նո­յեմբերյանի բժշկական կենտրոնի աշխատակազմի ղեկավար Հայկանուշ Բեգլարյանը «Հայավտոկայարան» ՓԲԸ-ից 2019 թ. վարձակալությամբ ձեռք է բերել Նոյեմբերյանի ավոտոկայարանի շենքի տարածքը, վերանորոգել այն, այնտեղ հագուստի խա­նութ բացել:

Նոյեմբերյան քաղաքի և հարևան գյուղերի բնակիչները դժ­գոհում են, որ ավտոկայարանի սպա­սասրահն այլևս չկա, ամառվա շո­գին և տեղումների ժամանակ ուղև­որները պատսպարվելու տեղ չունեն»,-գրում է թերթը»: