Ինքնաթիռի մեջ թռիչքի ընթացքում կատուն հարձակվել է օդաչուի վրա (լուսանկարներ)
ԼուսանկարներՍուդանից դեպի Կատար Tarco ավիաընկերության չվերթներից մեկի ժամանակ մի կատու, որը ենթադրվում է, որ ինքնաթիռ է մտել մաքրման ժամանակ, թռիչքի ընթացքում հարձակվել անձնակազմի անդամների վրա: Ինքնաթիռի անձնակազմը փորձել է բռնել կատաղած կատվին, բայց ապարդյուն: Գիտակցելով, որ կատուն կարող է լուրջ սպառնալիք լինել, օդաչուն որոշել է շրջել ինքնաթիռը և հետ շարժվել դեպի Սուդան, հայտնում է Al-Sudan֊ը: Կատվի հետ կապված՝ սա առաջին դեպքը չէ: Ավելի վաղ, Բրյուսելից Վիեննա ուղևորվող նավի մեջ, օդ բարձրանալուց անմիջապես հետո, օդաչուների խցիկում կատու է հայտնվել: Կենդանին, ըստ երևույթին, փախել էր ավիաընկերության կողմից հաստատված կոնտեյներից։ Այն ներխուժել էր օդաչուի խցիկ, երբ անձնակազմի անդամներից մեկը դուռը բացել էր՝ օդաչուների խցիկ ուտելիք տանելու համար: