Նորածին երեխայի մոտ հայտնաբերվել է կորոնավիրուսի նոր մուտացիա

Շվեդ գիտնականները նորածին երեխայի մոտ հայտնաբերել են SARS-CoV-2 կորոնավիրուսի մուտացիա։ Հայտնի է, որ երեխայի մայրը հիվանդ էր COVID-19- ով, գրում է The Conversation-ը: Հղի կինը որովայնի ուժեղ ցավերով տեղափոխվել է հիվանդանոց: Նա կեսարյան հատումով երեխա է ունեցել, այնուհետև և երեխայի, և մոր կորոնավիրուսի թեստը դրական արդյունք է ցույց տվել: Պարզվել է, որ երեխան վարակվել է մինչև ծնվելը: Մի քանի օր անց բժիշկները հայտնաբերել են նորածնի մոտ վարակի պոպուլյացիայի փոփոխություններ: Պարզվել է, որ նրա մոտ առկա է նոր շտամ, որը տարբերվում էր նախնականից:
«Սա կորոնավիրուսի գենետիկ փոփոխության առաջին դեպքն է՝ մորից պտղին փոխանցված», - ասել է Լունդի համալսարանական հիվանդանոցի մանկաբարձ-գինեկոլոգ Մեհրեն Ջայգամը:
Նա նշել է, որ վիրուսի մուտացիաները բավականին տարածված են։Նա հավելել է, որ վիրուսը վնասել է մոր պլասենցան։ Այն բորբոքվել է, և կորոնավիրուսի սպիտակուցը հայտնաբերվել է երկուսի մոտ: Հիվանդությունը և մոր, և երելայի մոտ անցել է առանց բարդությունների։