«Մանչեսթեր Սիթին» Չեմպիոնների լիգայի պատասխան խաղում հաղթեց «Բորուսիային»

Ֆուտբոլի Չեմպիոնների լիգայի 1/8 եզրափակչի պատասխան խաղում անգլիական «Մանչեսթեր Սիթին» հաղթեց Մյոնխենգլադբախի «Բորուսիային» ու դուրս եկավ մրցաշարի հաջորդ փուլ:
Առաջին խաղում «Սիթին» հաղթեց 2-0 հաշվով: Բուդապեշտում կորոնավիրուսի սահմանափակումների պատճառով կայացած պատասխան հանդիպմանը գրանցվեց 2: 0 արդյունք` հօգուտ մանչեսթերցիների թիմի: Գոլերը խփեցին Կեվին դե Բրույնեն և Իլկայ Գյունդողանը: «Մանչեսթեր Սիթին» Չեմպիոնների լիգայի քառորդ եզրափակչում իր մրցակցին կճանաչի մարտի 19-ին։