ԱՄՆ հետախուզությունը Ռուսաստանին մեղադրել է Բայդենի ընտրությունները տապալելու փորձի մեջ

Ամերիկյան հետախուզությունը Ռուսաստանին մեղադրել է Բայդենին 2020 թվականի նախագահական ընտրությունները տապալելու փորձի և Դոնալդ Թրամփի վերընտրմանը օգնելու մեջ: «Մենք կարծում ենք, որ Պուտինը պատվիրել է ազդեցիկ գործողություններ, որոնք ուղղված էին նախագահ Բայդենի և Դեմոկրատական ​​կուսակցության թեկնածությունը վարկաբեկելուն, նախագահ Թրամփի թեկնածությանը սատարելուն, ընտրական գործընթացի նկատմամբ հասարակության վստահությունը խարխլելուն և Միացյալ Նահանգներում հասարակական-քաղաքական բաժանման խորացմանը», - ասվում է զեկույցում, որը գաղտնազերծվել է ԱՄՆ ազգային հետախուզության տնօրենի գրասենյակի կողմից:

Ինչպես նշված է փաստաթղթում, «այդ գործողությունն իրականացրել են Ռուսաստանի կառավարության մի խումբ կազմակերպություններ»: Հետախուզական հանրությունը «խիստ» վստահ է իր գնահատման մեջ: «Ռուսաստանի կառավարության պաշտոնյաները և Կրեմլի շահերը սպասարկող նրանց համախոհները անընդհատ աշխատում էին ազդել Միացյալ Նահանգների հասարակության ընկալման վրա», - ասված է զեկույցում: Ըստ հետախուզական տվյալների՝ նրանք խթանում էին ապատեղեկատվությունը և «նախագահ Բայդենի հասցեին չհաստատված մեղադրանքները», և այս արշավի թիրախը եղել են ամերիկյան լրատվամիջոցները, պաշտոնատար անձինք և Միացյալ Նահանգների այլ մասնավոր անձինք, ներառյալ նրանք, ովքեր «մոտ էին նախկին նախագահ Թրամփին և նրա վարչակազմին»: Նշենք, որ Ռուսաստանը հերքում է իր որևէ տեսակի միջամտությունը ԱՄՆ֊ում անցկացված ընտրություններին։