Վրաստանում բուժքույրը կորոնավիրուսի դեմ պատվաստվելուց հետո մահացել է
Վրաստան
Թբիլիսիի առաջին համալսարանական հիվանդանոցի 27-ամյա բուժքույրը՝ Մագգի Բաքրաձեն, որը պատվաստվել էր կորոնավիրուսի դեմ AstraZeneca պատվաստանյութով, մահացել է։ Նրա մոտ առաջացել էր անաֆիլակտիկ շոկ։ Տեղեկությունը հաստատել են նրա հարազատները: Նրանց խոսքով՝ նրա սիրտը կանգ է առել: «Նա շատ ծանր վիճակում էր: Նրա ուղեղն այլևս չէր աշխատում, և սիրտը նույնպես կանգ էր առել: Նա պատվաստումից առաջ լիովին առողջ էր, առողջական խնդիրներ չուներ», - լրագրողներին ասել է մահացածի հարազատներից մեկը:
Ավելի վաղ հայտնել էինք, որ Վրաստանի Սամցխե-Ջավախեթի մարզի վարչական կենտրոն Ախալցխայում բուժքույրը կորոնավիրուսի դեմ պատվաստվելուց հետո կոմայի մեջ է ընկել: Պատվաստվելուց 15 րոպե անց նրա առողջական վիճակը վատացել էր:
Հիշեցնենք, որ AstraZeneca պատվաստանյութից հրաժարվել են մի շարք երկրներ, այդ թվում՝ Ավստրիան, Էստոնիան, Լիտվան, Լյուքսեմբուրգը, Լատվիան, Դանիան, Նորվեգիան, Իսլանդիան, Նիդեռլանդները, Բուլղարիան, Ռումինիան:
Ամենադիտված 
Մնաս բարյավ. Րաֆֆի Հովհաննիսյան
