«Հիվանդությունն այսօր էլ է շարունակվում». Վերկա Սերդուչկայի պրոդյուսերը բացահայտել է, թե ինչու է արտիստը հեռացել բեմից
ԱյլՏարիներ շարունակ Անդրեյ Դանիլկոյի երկրպագուները փորձում էին հասկանալ, թե որն էր Վերկա Սերդուչկայի` բեմից հեռանալու պատճառը: Հիմնական վարկածը առողջության հետ կապված խնդիրներն են. արտիսը որոշակի ժամանակահատվածում նկատելիորեն գիրացել է և նույնիսկ «անհետացել ռադարներից»: Ոմանք լրջորեն կարծում էին, որ եգրիչը քաղցկեղ ունի, գրում է Life.ru-ն:
2000-10-ականներին Անդրեյ Դանիլկոն հետխորհրդային երկրների ամենապահանջված արտիստներից մեկն էր: Նրա հյուրախաղերի գրաֆիկը շատ ծանրաբեռնված էր: Բանը հասավ նրան, որ երգիչը նույնիսկ որոշեց հեռանալ բեմից: Լեգենդար Վերկա Սերդուչկայի կուլիսային կյանքի մանրամասների մասին պատմել է նրա պրոդյուսեր Յուրի Նիկիտինը` Դմիտրի Գորդոնի հետ զրույցում: Հարցազրույցը հրապարակվել է YouTube-ի «В гостях у Гордона» ալիքում:
«10 տարի շարունակ Անդրեյը ԱՊՀ-ում ամենապահանջված հյուր գաստրոլյորներից էր: Նա ունենում էր ամսական 30, 40, 50 համերգ: Նա չէր ապրում: Այս ժամանակահատվածն այնքան արագ անցավ, որ Անդրեյը նույնիսկ դրանից ոչինչ չի հիշում»,- ասել է Նիկիտինը:
Ըստ նրա՝ ուռուցքաբանությունը ոչ մի կապ չունի դրա հետ: Արտիստի առողջությունը վատթարացավ ծանրաբեռնված գրաֆիկի պատճառով. դրա պատճառով Դանիլկոն հորմոնալ անբավարարություն ունեցավ:
«Առողջությունը շատ ցնցված էր նման գրաֆիկից: Անդրեյը շփոթել էր օրը գիշերվա հետ: Հորմոնալ խանգարում կար: Նրա մարմինը պահանջում էր հանգստանալ: Այս ամենը շարունակվում է մինչ օրս: Դա ազդում է նրա արտաքինի վրա, Անդրեյը շատ անհանգստացած է»,- ասել է նա:
Դանիլկոյի աշխատունակությանը կարելի է միայն նախանձել: Վերջին տարիներին նա հայտնվել է Եվրատեսիլում որպես աստղային հյուր, ապա փորձել իրեն որպես անգլախոս հաղորդավար և ձայնագրել է ալբոմ: Ավելին, Սերդուչկան վերջերս հայտնվել է «Орёл и решка»-ի նոր թողարկումներում` Վերա Բրեժնևայի հետ միասին: