Պաշտոնատար անձը հանրային վայրում պետք է պատրաստ լինի, որ իրեն ցանկացած պահ կարող է լրագրող մոտենալ ու հարցեր տալ. ՄԻՊ-ը` Հայկ Սարգսյանի մասին

Որոշակի իրավախախտման հատկանիշներ կան, լրագրողը կարող է դիմել մեզ, կոնկրետ վարույթով կզբաղվենք, լրագրողների հետ զրույցում ասաց ՀՀ ՄԻՊ Արման Թաթոյանը՝ անդրադառնալով իմքայլական պատգամավոր Հայկ Սարգսյանի՝ լրագրողի հեռախոսը խլելու դեպքին:

Մեկնաբանելով պատգամավորի արդարացումները, թե աշխատանքային ժամ չի եղել՝ ՄԻՊ-ը նշեց.

«Պաշտոնյան միշտ է պաշտոնյա՝ անկախ հանգամանքից հանգստյան օրեր են, թե ոչ աշխատանքային ժամեր: Պաշտոնատար անձը հանրային վայրում պետք է պատրաստ լինի, որ իրեն ցանկացած պահ կարող է լրագրող մոտենալ ու հարցեր տալ»:

Պաշտպանը բարձրաձայնում է, որ դա միջազգային սկզբունք է: