Ամերիկացուն 16 ժամվա ընթացքում երեք անգամ ձերբակալել են

Լոս Անջելեսից Ջեյմս Լենգդոնը 16 ժամվա ընթացքում երեք անգամ ձերբակալվել է ոստիկանների կողմից։ Այդ մասին հայտնում է Kron4-ը։

Առավոտյան տղամարդը ձերբակալվել է այն բանից հետո, երբ անցել է «Մուտքն արգելված է» նշանի կողքով, այնուհետև փորձել է փախչել ոստիկաններից՝ դիմադրելով ձերբակալությանը: Ձերբակալությունից հետո տղամարդը հայտնել է, որ իրեն անհրաժեշտ է բժշկական օգնություն, ինչի կապակցությամբ իրեն թույլ են տվել տուն գնալ՝ մինչ այդ ծանուցագիր տալով։

Նույն օրը ավելի ուշ՝ առավոտյան ժամը 9:30-ին, սպաները պատասխանել են անծանոթ տղամարդու մասնավոր սեփականություն ներխուժելու մասին հաղորդմանը: Իրավապահները դեպքի վայրում հայտնաբերել են Լենգդոնին՝ փակ տարածք մտնելու փորձի ժամանակ։ Այնուհետև Լենգդոնը ձերբակալվել է և քրեական հետապնդման ենթարկվել ուրիշի տարածք ներխուժման կասկածանքով, բայց ազատվել է կալանքից՝ հաջորդ օրը դատարան ներկայանալու պարտավորության և տեղական օրենսդրության առանձնահատկությունների պատճառով:

Մի քանի ժամ անց ոստիկանությունը ժամանել է գողության մասին ահազանգի հետքերով։ Հանցագործության վայր ժամանած ոստիկանները պարզել են, որ հանցագործը ավելի վաղ ձերբակալված Լենգդոնն է, ով հրաժարվել է ոստիկանությանը հանձնվել՝ փակվելով տանը։ Ոստիկանները ստիպված են եղել երկար բանակցել նրա հետ, որպեսզի արդյունքում առանց բռնության ձերբակալեն։ Հետագա հետաքննության արդյունքում սպաները պարզել են, որ Լենգդոնը տուժողին պատճառել է մոտ 6000 ԱՄՆ դոլարի գույքային վնաս:

Այս թեմայով Շարունակվում է ՀՀ ԱԳ նախարար Արարատ Միրզոյանի այցը Լատինական Ամերիկա «Զբաղվում եմ պլանի եսիմ ինչով, մարդ եմ Մեքսիկայով բերում Ամերիկա». Մենչը` իրեն ուղղված կեղծ լուրերի մասին Ամերիկա, ձեզնից ենք սովորել պայքարել անկախության համար, պարտավոր եք աջակցել Արցախին Ամերիկուհուն ձերբակալել են ջրարջի հետ բար այցելելուց հետո Ամերիկացին վիճակախաղով շահել է 1,33 միլիարդ դոլար. Bloomberg