Տղամարդը ոստիկանություն է կանչել թմրանյութերի որակը ստուգելու համար
ԱյլԱմերիկացին ոստիկանություն է զանգահարել՝ ստուգելու մետամֆետամինի որակը, որը նա գնել էր բարից: Այս մասին հայտնում է LADbible-ը։
Ֆլորիդայից 41-ամյա Թոմաս Յուջին Կոլուչին զանգահարել է ոստիկանություն և խնդրել ստուգել իր մոտի թմրանյութը։ Ամերիկացին հայտնել է, որ նյութը գնել է տեղի բարից և առաջարկել է սպաներին փորձարկել այն, քանի որ դրա ազդեցությունը սովորականի նման չի եղել:
Երբ ոստիկանները ժամանել են տղամարդու տուն, նա ցույց է տվել նրանց արգելված նյութի երկու փաթեթ, հայտարարել, որ ինքը «փորձառու թմրամոլ է», և ակնհայտորեն ինչ-որ բան այն չէ այդ ապրանքի հետ: Նա նաև նշել է, որ այս կերպ ցանկանում է պաշտպանել մյուսներին անորակ թմրանյութեր գնելուց։
Ոստիկաններն անմիջապես ձերբակալել են Կոլուչիին և տարել բաժին։ Ավելի ուշ նրան մեղադրանք է առաջադրվել թմրամիջոցների ապօրինի պահման համար և ազատ են արձակվել յոթ հազար դոլար գրավի դիմաց։
Միևնույն ժամանակ, Էրնանդո շրջանի շերիֆի գրասենյակը սկսել է գովազդել նոր ծառայությունը սոցիալական ցանցերում: «Եթե դուք կամ ձեր ծանոթներից որևէ մեկը կասկածում եք ձեր մոտ առկա արգելված նյութերի իսկության վրա, Էրնանդո շրջանի շերիֆի գրասենյակը ուրախ է տրամադրել այս ստուգման ծառայությունը անվճար», - ասվում է հայտարարության մեջ: