Որոշ վայրերում ծխելու արգելքը կարող է հանվել․ օրենքի նոր նախագիծ են նախաձեռնել․ «Հրապարակ»
Հայկական Մամուլ
«Հրապարակ» թերթը գրում է. «Մարտի 15-ից ուժի մեջ մտած հակածխախոտային օրենքի համաձայն՝ ծխելն արգելվել է ինչպես փակ, այնպես էլ բաց տարածքներում, եւ դա լուրջ խնդիրների առջեւ է կանգնեցրել տնտեսվարողներին։ Առողջապահության նախարարության առաջարկած օրենքի պատճառով փակվել են նաեւ սիգար-բարերն ու նարգիլե-ակումբները, քանի որ այստեղ եւս արգելված է ծխելը։ Արսեն Թորոսյան-Անահիտ Ավանեսյան զույգի ավանտյուրան մեծ թվով մարդկանց բիզնեսին է վնասել։
Բացօթյա սրճարանների խնդիրներն ավելի են սրվելու եղանակները տաքանալուն պես։ Այս նպատակով ԱԺ ընդդիմադիր «Հայաստան» խմբակցությունը՝ ի դեմս պատգամավոր Արթուր Ղազինյանի, նախաձեռնել է օրենքի փոփոխություն, որով առաջարկում է հանել ծխելու արգելքը սիգար-բարերից ու նարգիլե-ակումբներից, որպեսզի տնտեսության այս ճյուղն իսպառ չվերանա, եւ բյուջեն չզրկվի ահռելի եկամուտներից, որոնք ստանում էր։
Արթուր Ղազինյանը մեզ ասաց, որ նախագիծը կազմել են, բայց դեռ չի դրվել շրջանառության մեջ, հնարավոր է՝ տնտեսական հանձնաժողովով լսումներ անցկացվեն այս թեմայով, որպեսզի շահագրգիռ կողմերի հետ ավելի հստակեցնեն օրենքի բովանդակությունն ու նոր դնեն շրջանառության մեջ»:
Առավել մանրամասն՝ թերթի այսօրվա համարում
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
