Եթե Մարիուպոլին ընկնի, Ուկրաինան դուրս կգա բանակցություններից և կսկսի կոշտ պայքար. Արեստովիչ
Աշխարհ
Ուկրաինայի նախագահի աշխատակազմի ղեկավարի խորհրդական Ալեքսեյ Արեստովիչը պատմել է, թե ինչպես կվարվի Ուկրաինան, եթե Մարիուպոլը գրավեն ռուսական զորքերը, հայտնում է РБК-Украина-ն։
Նրա խոսքով, այս դեպքում Ուկրաինայի զինված ուժերը կգործեն վճռական, իսկ Ուկրաինան դուրս կգա բանակցություններից ու կոշտ պայքար կսկսի։
«Գլխավորը ազգային գումարտակներին ջախջախելն է։ Այսքանը, մենք ավելին ոչինչ չենք ուզում, այսինքն՝ ուզում ենք ամբողջությամբ վերցնել Մարիուպոլը։ Նախագահ Զելենսկին այսօր ասել է, որ եթե Մարիուպոլի պաշտպանները զոհվեն, Ուկրաինան վերջնականապես դուրս կգա բանակցություններից։ Այսինքն՝ վերջացնելու ենք, ոչնչացնելու ենք, մինչև վերջին ռուս զինվորը մեռնի այստեղ՝ մեր հողի վրա։ Սա բոլորովին այլ հարց է, պայմաններն արդեն թելադրում է Ուկրաինան»,- ասել է Արեստովիչը։
Բացի այդ, նա հավելել է, որ Ռուսաստանում քաղաքական իրավիճակը սրվում է։
«Նրանք ոչինչ չունեն պատասխանելու, ունեն ճգնաժամ և սարսափելի քաղաքական աղետ։ Նրանք չգիտեն՝ ինչպես դուրս գալ այս իրավիճակից»,- ասել է Ուկրաինայի նախագահի աշխատակազմի ղեկավարի խորհրդականը։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
