Խաղաղության պայմանագիր չի կարող ստորագրվել ադրբեջանական պայմաններով․ Վանեցյան

Մենք միանշանակ խաղաղության կողմնակից ենք, բայց ոչ ադրբեջանական հինգ սկզբունքների հիման վրա։ Այս մասին հայտարարեց «Պատիվ ունեմ» խմբակցության պատգամավոր Արթուր Վանեցյանը, որը երկրորդ օրն է Ազատության հրապարակում բողոքի ակցիա է անցկացնում։

«Նույնիսկ դրանց շուրջ բանակցություններ չեն կարող լինել։ Դրանք ենթադրում են Արցախից հրաժարում, ամեն ինչից հրաժարում, անկլավների փոխանցում Ադրբեջանին։ Նման համաձայնանագիր չի կարող ստորագրվել։ Համաձայնագիր կարող է լինել, բայց ոչ այդպիսի պայմաններով։ Նորմալ կառավարության ձեւավորումից հետո այդ հարցերը կարող են լուծվել դիվանագիտական ճանապարհով»,- ասաց Վանեցյանը։

Նա ընդգծեց, որ պայքարը կուսակցական դրոշների ներքո չի ընթանում, այն վեր է կուսակցական շահերից, սա հայի, քաղաքացու պայքար է։