«Մենք մեր հարեւանին կոչ ենք անում սեղմել բարեկամության ձեռքը, որը մենք անկեղծորեն մեկնում ենք». Հուլուսի Աքար
Աշխարհ
Թուրքիան ձգտում է լուծել իր տարաձայնությունները հարեւան Հունաստանի հետ «խաղաղ միջոցներով»։ Այս մասին հայտարարել է Թուրքիայի պաշտպանության նախարար Հուլուսի Աքարը՝ ելույթ ունենալով Էգեյան, Միջերկրական եւ Սեւ ծովերում անցկացվող զորավարժությունների ժամանակ, որոնցում ներգրավված են 122 նավ եւ 41 ինքնաթիռ, հաղորդում է Ahval-ը։
«Թուրքիան հույս ունի խնդիրները լուծել երկխոսության միջոցով, բայց Աթենքը չափազանց դանդաղ է գործում, եւ Թուրքիան նրանցից ավելի շատ ակտիվություն է ակնկալում»,-ասել է նա։
«Մենք մեր հարեւանին կոչ ենք անում սեղմել բարեկամության ձեռքը, որը մենք անկեղծորեն մեկնում ենք»,-ասել է Աքարը։
«Մենք հարգում ենք միջազգային իրավունքը Հունաստանի հետ հարաբերություններում եւ միշտ հանդես ենք գալիս բարիդրացիական հարաբերությունների օգտին»,-նշել է նա՝ հավելելով, որ որոշ հույն պաշտոնյաների «սադրիչ գործողություններն ու հռետորաբանությունը» բացասաբար են անդրադառնում երկկողմ հարաբերությունների վրա։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
