Ուկրաինան Ադրբեջանից ավելի մեծ աջակցություն է սպասում. Զելենսկի

Ուկրաինայի նախագահ Վլադիմիր Զելենսկին ապրիլի 23-ին Կիևի մետրոյում մամուլի ասուլիսի ժամանակ բացահայտել է Ադրբեջանի դերն Ուկրաինայի համար, հայտնում է Sistema.Info-ն։

Զելենսկին, մասնավորապես, ասել է. «Նախագահ Ալիևը միշտ աջակցել է Ուկրաինային և շարունակում է աջակցել։ Եղել է մարդասիրական օգնություն, եղել է բուժօգնություն։ Կարծում եմ՝ այսօր Ադրբեջանի համար դժվար է զենքի հարցում օգնել Ուկրաինային։ Սա կարելի է հասկանալ, քանի որ նրանք Լեռնային Ղարաբաղ ունեն։ Այո, սա պատմական եւ շատ բարդ խնդիր է։ Թերեւս սա այն քիչ երկրներից է, որի դեպքում մենք հասկանում ենք չեզոքության հավասարակշռությունը։ Ես հասկանում եմ, թե ինչու, քանի որ պատերազմ կարող է սկսվել հիմա: Բայց ամեն դեպքում մենք ավելին ենք սպասում՝ երկար հասկանալ չենք կարող»,- ասել է Զելենսկին:

Երկրի ղեկավարը նաև նշել է, որ Թուրքիան բացահայտ հայտարարում է Ուկրաինայի անվտանգության երաշխավորների թվում լինելու իր պատրաստակամության մասին, մինչդեռ Ադրբեջանից նման հարցում դեռ չի ստացել։

Ավարտելով ադրբեջանցի լրագրողի հարցերին պատասխանելը՝ Զելենսկին հավելել է. «Մեզ հետ կվերջացնեն, կանցնեն ձեզ»։