Ֆրանսիայի էկոնոմիկայի նախարարը հայտարարել է, որ ԵՄ-ն շատ շուտով էմբարգո կսահմանի ռուսական նավթի վրա
Աշխարհ
«Եվրամիությունը շուտով որոշում կկայացնի ռուսական նավթի ներկրման ամբողջական դադարեցման մասին»,- այս մասին հայտարարել է Ֆրանսիայի էկոնոմիկայի նախարար Բրունո Լը Մերը, հայտնում է BFMTV-ն։
Նրա խոսքով, Ֆրանսիայի նախագահ Էմանուել Մակրոնը չի ասել, որ խոսքը գազի մասին է, քանի որ Փարիզը հասկանում է, որ եվրոպական որոշ երկրների համար դա կնշանակի դադարեցնել ողջ տնտեսական գործունեությունը։
«Այն, ինչ այսօր դրված է սեղանին, Ռուսաստանից նավթի ներկրման արգելքն է»,- ասել է նախարարը։
Ինչպես նշել է Լը Մերը, դա կօգնի դադարեցնել արժույթի հոսքը դեպի Ռուսաստան, քանի որ նավթը Կրեմլի արտարժույթի հիմնական աղբյուրն է։
«Մենք պետք է հաջողենք միավորել 27 անդամ երկրներին, բայց մենք դեռ այնտեղ չենք։ Դեռ կա դիմադրություն, կա արդարացված մտահոգություն: Մենք պետք է արձագանքենք դրանց»,- հավելել է Լը Մերը:
ՈՒՂԻՂ ԵԹԵՐ
Ամենադիտված 
Երկու օր ջուր չի լինելու
