«Որ դրսում մարդիկ իրար ծեծեն, չեղավ չէ՞՝ ստեղ էր»․ Բաքվի հետ հանդիպումն ու սահմանի զոհը կապ չունեն
Քաղաքական«Առաջին հանդիպումից տեղյակ եմ, բավական լավ, կառուցողական հանդիպում է եղել». Այս մասին այսօր՝ հունիսի 1-ին, ԱԺ-ում լրագրողների հետ զրույցում ասաց ՏԿԵ նախարար Գնել Սանոսյանը՝ անդրադառնալով Ադրբեջանի հետ սահմանի դելիմիտացիայի հանձնաժողովի կազմում ՏԿԵ նախարարի տեղակալի ընդգրկվելուն՝ հավելելով, որ երկրորդ հանդիպման մասին որևէ բան չի կարող ասել, գրաֆիկի մասին մանրամասներ չգիտի․
Դիտարկմանը, որ նշված հանդիպումից հետո թշնամու դիպուկահարի կրակոցից հայ զինծառայող է զոհվել, հետևաբար որն է դրա կառուցողականը, Սանոսյանն ասաց, որ կոնկրետ տվյալ վայրի հանդիպումը եղել է կառուցողական, եղել է նորմալ քննարկում․
«Ժողովուրդ ջան, օրինակ հիմա մեզանից որևէ մեկը որևէ մեկին չի ծեծում, եթե դրսում ինչ-որ մարդիկ իրար ծեծեն, չեղավ, որ դա էստեղ է։ Հիմա, որտեղ այդ հանդիպումը տեղի է ունեցել, տեղի է ունեցել կառուցողական, նորմալ, եղել է մասնագիտական քննարկում։ Առաջին քննարկման համար բավականին կարևոր հարցեր են բարձրացվել, աշխատանքային որոշակի օրակարգ է սահմանվել և այլն։ Այդ առումով դրական ենք գնահատում»։
Ինչ վերաբերում է կոնկրետ հայ զինվորի զոհվելուն, Սանոսյանը հայտարարեց, որ նման միջադեպերը խանգարում են այն ամբողջ գործընթացին, որը տեղի է ունենում․ «Շատ դատապարտելի է, որ նորմալ աշխատանքային փուլին կարող է հաջորդել նման վարքագիծ, որի արդյունքում մեր անմեղ տղաները, զինվորները կարող են զոհվել»։
ՈՒՂԻՂ ԵԹԵՐ
Ամենադիտված 
Վիճաբանությունն ավարտվել է ողբերգությամբ․ 22-ամյա երիտասարդը սպանել է մորն ու քրոջը, 11-ամյա քույրը ծանր վիճակում է
