Էշի ականջում քնած ազգ ենք եղել ու կանք`խորը անտարբեր մեր ինքնության, պետականության, մեր հայրենակիցների ճակատագրերի հանդեպ. փաստաբան

Ծիծեռնակաբերդի հուշահամալիրը պետք է ամոթի հուշահամալիր անվանել ու երեխաներին տանել ու ասել` բալես, տես, հայը, երբ խորը թքած ունի իր ազգի ներկայացուցչի հանդեպ ու հանգիստ նստած «Եվրատեսիլ» ու ֆուտբոլ է «բալետ անում», այ սենց կոտորում են ու ոչ թե նրա համար, որ մենք թույլ ենք, այլ որ ուղղակի անտարբեր ենք, ցեղի, ցեղակցի բնազդ չունենք, ո՞ւր մնաց թե՝ ազգի: Այդ մասին Ֆեյսբուքի իր էջում գրել է փաստաբան Մանուշ Եսայանը։

«Որովհետև, հայի ուղեղը մտցրել են, որ հայերի ջարդը` եղեռնը տեղի է ունեցել 1915 ապրիլի 24ին, որ մի օրում եկան կոտորեցին, որ էդպես խելոք նստած էին մերոնք, ոչինչ տեղի չէր ունեցել, բայց այ վատ ձյաձյաները եկան մեզ կոտորեցին. տենց միամիտ, պատահական, մի օրում, ապրիլի 24-ին ու դրա համար մենք մեղք ենք, մեզ խղճալ է պետք, մեզ հասկանալ է պետք:

Բայց այ որ հայի ուղեղը մտցնեին էն պարզ ճշմարտությունը, որ կոտորել են ոչ թե մեկ օրում, այլ երկու տասնամյակ`20 գրողը տանի տարի!!! կողքի գյուղում կոտորել են հային, բայց մյուս տեղում հայերը շարունակել են ապրել իրենց առօրյան, կողքի քաղաքում բանտարկել ու սպանել են հայերին, մյուսում հայերը շարունակել են հարսանիք ու նոր տարի անել. Դե իրենց չի վերաբերել չէ, հեռու էր իրենցից, էդ իրենց հայերը չէին, էդ նրանց էին, նրանք էլ թող իրենց նեղ անձնական պռոբլեմները լուծեին: Թող խելոք մնային չկոտորեին, տեսել են կոտորում են թող դուրս գային, ով էր խնդրում մնալ:
Այ նույն, նույն էն ինչ հիմա է տեղի ունենում:

Էշի ականջում քնած ազգ ենք եղել ու կանք`խորը անտարբեր մեր ինքնության, պետականության, մեր հայրենակիցների ճակատագրերի հանդեպ:
Ծիծեռնակաբերդի հուշահամալիրը պետք է ամոթի հուշահամալիր անվանել ու երեխաներ տանել ու ասել` բալես, տես, հայը, երբ խորը թքած ունի իր ազգի ներկայացուցչի հանդեպ ու հանգիստ վեր ընգած եվրովիժն ու ֆուտբոլա բալետ անում, այ սենց կոտորում են ու ոչ թե նրա համար, որ մենք թույլ ենք, այլ որ ուղղակի անտարբեր ենք, ցեղի ցեղակցի բնազդ չունենք, ուր մնաց թե ազգի»,-գրել է նա: