Կանադայում ութ դեռահաս աղջիկներ կասկածվում են տղամարդու սպանության մեջ

Տորոնտոյում 59-ամյա տղամարդու սպանության մեջ կասկածվում են 13-16 տարեկան աշակերտուհիները, հայտնում է The Guardian-ը։

Տեղի բնակչին գտել են փողոցում՝ դանակահարված, նրան տեղափոխել են հիվանդանոց, որտեղ բժիշկները մի քանի ժամ փորձել են փրկել հիվանդի կյանքը, սակայն տղամարդը մահացել է։ Նույն օրը սպանության կասկածանքով բերման են ենթարկվել մի խումբ դեռահաս աղջիկներ։ Հայտնի է, որ նրանք բոլորը ծանոթացել են սոցիալական ցանցերում և հանդիպել կանադական քաղաքի կենտրոնում։

Այն, թե ինչն է դարձել տարեց տղամարդու վրա հարձակման պատճառ, քննիչները պարզում են։ Ըստ նախնական տեղեկությունների՝ խուզարկությամբ ութ աղջիկներից երկուսի մոտ հայտնաբերվել է սառը զենք, ևս երկուսն արդեն հայտնվել են ոստիկանության ուշադրության կենտրոնում։