Ոստիկանական շունը մասնակցել է ծառայողական պարտականությունները կատարելիս մահացած տիրոջ հուղարկավորությանը

Ավստրալիայում ոստիկանական շունը գնացել է իր տիրոջ հուղարկավորությանը, ով մահացել էր ծառայողական պարտականությունները կատարելիս, գրում է LADBible-ը։

29-ամյա Ռեյչել Մաքքրոուին սպանել էին ավազակները դարանակալման ժամանակ։ Նրա՝ Արչիբալդ անունով ծառայողական շունը հուղարկավորությանը ժամանել է մեքենայի հետևի նստարանին նստած։ Հուղարկավորությանը ներկա է եղել նաև Ավստրալիայի վարչապետը։

Հաղորդվում է, որ Ռեյչելի հետ մահացել է նաև մեկ այլ սպա՝ Մեթյու Առնոլդը, ով կանչով եկել էր նրա հետ։

«Այս բարբարոսական արարքը ցնցեց մեր համայնքը և անուղղելի վնաս հասցրեց Առնոլդ ընտանիքին և ՄաքՔրոու ընտանիքին»,- մեկնաբանել է վարչապետը։

Ընդհանուր առմամբ հուղարկավորությանը մասնակցել է մոտ 8000 մարդ։ Ոստիկանության վարչությունից հավելել են, որ իրենք կխնամեն Ռեյչելի ծառայողական շանը եւ նոր գործընկեր կգտնեն կենդանու համար։