Բժիշկը նշել է ամանորյա սեղանի ամենավնասակար ուտեստները

Թերապևտ և գաստրոէնտերոլոգ Ելենա Կասիմցևան պատմել է, թե ամանորյա սեղանի որ ուտեստները կարող են բացասաբար ազդել մարսողության վրա։ Gazeta.ru թերթին տված հարցազրույցում նա նշել է ամենավնասակար ուտեստները։

Բժշկի խոսքով՝ կարևոր է ուշադրություն դարձնել ոչ միայն մթերքի որակին, այլև դրանց քանակին։ Տոնական օրերին շատ ուտելը դժվարացնում է օրգանիզմի աշխատանքը։

Կասիմցեւան առաջին հերթին հորդորել է ավելի քիչ ուտել աղի ու թթու մթերքներ, որոնք գրգռում են աղեստամոքսային տրակտը։ «Բացի այդ, դրանք պարունակում են մեծ քանակությամբ աղ, որը նպաստում է հեղուկի կուտակմանը և արյան բարձր ճնշմանը»,- պարզաբանել է գաստրոէնտերոլոգը։

Բժիշկը զգուշացրել է բազմաբաղադրիչ ավանդական աղցանների վտանգավորության մասին։ Նրա խոսքով՝ նման ուտեստները պարունակում են շատ վատ համակցված բաղադրիչներ և մայոնեզ։ Կասիմցեւան խորհուրդ է տվել աղցանների մեջ ներառված մթերքները փոխարինել ավելի առողջարարներով․ թթու վարունգը՝ թարմով, իսկ մայոնեզը՝ ցածր յուղայնությամբ մածունով։

Բացի այդ, գաստրոէնտերոլոգը խորհուրդ է տվել շատ քաղցրավենիք չուտել։ Քաղցր սնունդը շատ կալորիա է պարունակում, ինչպես նաև խախտում է աղիքային միկրոֆլորան։ Դա կարող է հանգեցնել այնպիսի տհաճ ախտանիշների, ինչպիսիք են փքվածությունը, որովայնի ծանրությունը, եզրափակել է մասնագետը։