Կիրկորովի հայրը Գորբաչովին դավաճան է անվանել և գովաբանել Ստալինին

Ռուսաստանի ժողովրդական արտիստ, երգիչ Բեդրոս Կիրկորովը բացահայտել է իր վերաբերմունքը Ուկրաինայում հատուկ ռազմական գործողության և ԽՍՀՄ նախկին ղեկավարներ Իոսիֆ Ստալինի և Միխայիլ Գորբաչովի նկատմամբ։ Նրա խոսքերը մեջբերում է News.ru-ն։

Կատարողը Ռուսաստանն անվանել է Աստծո պետություն և աջակցություն հայտնել Ուկրաինայում հատուկ ռազմական գործողության մասնակիցներին՝ մաղթելով հաղթանակ։ «Գնաք ռուսական եկեղեցի, կզգաք վառվող մոմերի և ռուսական ուղղափառության հոտը:Հենց  Աստծո հետ է, որ Ռուսաստանը միշտ հաղթել է։ Թող այս անգամ էլ հաղթենք»: - ասել է Ֆիլիպ Կիրկորովի հայրը։ Նա նշել է, որ այժմ բոլորը դժվար ժամանակներ են ապրում։ Միաժամանակ նա հայտարարել է, որ Ռուսաստանը չի թուլացել, քանի որ երկիրն ունի հերոսներ, ովքեր պաշտպանում են իրենց հայրենիքը։

Խոսելով արտաքին քաղաքականության մասին՝ Կիրկորովը նշել է Իոսիֆ Ստալինի վաստակը Հայրենական մեծ պատերազմում տարած հաղթանակում և քննադատել Միխայիլ Գորբաչովին։ Արտիստի խոսքով՝ «Ստալինի մահից հետո մեր երկրի ղեկավարության մեջ կային դավաճաններ», որոնց պատճառով «Ռուսաստանը կրկին ստիպված է զենք վերցնել»։

«Ամենամեծ դավաճանը նա է, ով քանդեց Բեռլինի պատը, իսկ հետո ստացավ Խաղաղության Նոբելյան մրցանակ։ Դու գիտեք։ Ես նույնիսկ չեմ ուզում այդ անունը տալ։ Նրա պատճառով մենք հիմա շրջապատված ենք ՆԱՏՕ-ով, իսկ Ռուսաստանին մոտ կանգնած ժողովուրդները ոտքի են կանգնել Ռուսաստանի դեմ», - ասել է Բեդրոս Կիրկորովը։