Պուտինը շնորհավորել է Նեթանյահուին Իսրայելի վարչապետի պաշտոնը ստանձնելու կապակցությամբ

Ռուսաստանի նախագահ Վլադիմիր Պուտինը շնորհավորել է Իսրայելի վարչապետ Բենիամին Նեթանյահուին։ Համապատասխան ուղերձը հրապարակվել է Կրեմլի կայքում։

«Ընդունեք իմ անկեղծ շնորհավորանքները Իսրայելի Պետության վարչապետի պաշտոնը ստանձնելու կապակցությամբ»,- ասված է նախագահի ուղերձում։

Պուտինը հավելել է, որ Ռուսաստանը բարձր է գնահատում Նեթանյահուի երկարամյա ներդրումը Մոսկվայի և Երուսաղեմի միջև բարեկամական հարաբերությունների ամրապնդման գործում։

Ուղերձում ասվում է, որ Կրեմլը  նոր վարչապետի ղեկավարությամբ ռուս-իսրայելական կառուցողական համագործակցության շարունակական զարգացման հույս ունի։

Ռուսաստանի ղեկավարը Նեթանյահուին մաղթել է նաև հաջողություններ պետական ​​գործունեության մեջ, քաջառողջություն և բարեկեցություն։