Սուպերմոդելներ Նաոմի Քեմփբելը և Կլաուդիա Շիֆերը հարգանքի տուրք են մատուցել Պելեին

Բրիտանացի և գերմանացի սուպերմոդելներ Նաոմի Քեմփբելը և Կլաուդիա Շիֆերը հարգել են բրազիլացի ֆուտբոլիստ Պելեի հիշատակը։ Համապատասխան գրառումները նրանք հրապարակել են Instagram-ում։

«Պելե, դու մեզ համար խորհրդանիշ էիր, թույլ տվեցիր մեզ տեսնել, որ երազանքները կարող են իրականություն դառնալ: Դու միշտ եղել ես և կլինես եզակի: Դու ոսկե սիրտ ունեիր, դարձար պատմության առաջին մարզիկը, որը ՅՈՒՆԵՍԿՕ-ի բարի կամքի դեսպան էր, ժողովրդի պահապանը: Բրազիլիա, այսօր մենք ձեզ հետ սգում ենք ձեր հերոսի, մեր հերոսի, ողջ աշխարհի հերոսի, բոլոր ժամանակների մեծագույն հերոսի կորուստը: Հանգչիր խաղաղությամբ, լավագույն մարզիկ»,- գրել է Նաոմի Քեմփբելը։

Կլաուդիա Շիֆերն իր հերթին հիշել է, թե ինչպես Պելեի հետ միասին 2006 թվականին մեկնարկեց աշխարհի առաջնությունը։ «Ինձ բախտ է վիճակվել հանդիպել Պելեի հետ, մենք միասին դուրս բերեցինք Աշխարհի գավաթը 2006 թվականի աշխարհի առաջնության բացմանը: Ինձ համար պատիվ էր, որ նա կողքիս էր՝ առաջնորդելով ինձ այսքան կարևոր պահին։ Ցավակցում եմ ընտանիքին և ընկերներին»,- կիսվել է սուպերմոդելը՝ ցուցադրելով համատեղ լուսանկարը։