Չավուշօղլուն խոսել է Թուրքիայի և Չինաստանի միջև հարաբերությունների վատթարացման մասին

Թուրքիայի և Չինաստանի միջև հարաբերությունների վատթարացումը պայմանավորված է Պեկինի անհանգստությամբ՝ Չինաստանի հյուսիս-արևմուտքում գտնվող Սինծիանի Ույղուրական ինքնավար շրջանի ույղուրներին Անկարայի աջակցությամբ, ասել է Թուրքիայի արտգործնախարար Մևլութ Չավուշօղլուն։ Այս մասին հայտնում է TRT News գործակալությունը։

«Թուրք-չինական հարաբերությունները տուժել են այն պատճառով, որ Պեկինը մտահոգված է թյուրք ույղուրների նկատմամբ Անկարայի վերաբերմունքով։ Նրանք արտահանձնման խնդրանքներ ունեն Թուրքիայում բնակվող մեր քաղաքացիների համար, և մենք չենք բավարարում  նրանցից ոչ մեկին»։ Նա հավելել է, որ համացանցում պնդումները, թե ույղուրներին արտահանձնում են Չինաստան, «լիակատար սուտ են»,- ասել է Չավուշօղլուն։

«Մեր կողմից թյուրք ույղուրների իրավունքների պաշտպանությունը միջազգային ասպարեզում անհանգստացնում է Չինաստանին։ Բայց սա մարդասիրական խնդիր է»,-  նշել է նա:

Ընդգծելով, որ Թուրքիան ցանկանում է համագործակցել Չինաստանի հետ, Չավուշօղլուն ասել է. «Մեր դեսպանը դեռ չի եղել (Սինծիանում), նրան թույլ չեն տալիս»։

Նրա խոսքով՝ Չինաստանի իշխանությունները Պեկինում դեսպանին թույլ չեն տալիս ազատորեն այցելել այն տարածաշրջան, որտեղ ապրում են ույղուրները, փոխարենը ցանկանում են, որ նա հետևի «իրենց տրամադրած ծրագրին»։