Պելեի 100-ամյա մայրը չգիտի որդու մահվան մասին
ՍպորտԼեգենդար բրազիլացի Պելեի մայրը՝ Սելեստա Արանտեսը, չգիտի որդու մահվան մասին, հայտնում է Mirror-ը։
«Մենք խոսում ենք, բայց նա չգիտի իրավիճակի մասին։ Ասում եմ նրան, որ պետք է աղոթենք Պելեի համար: Նա իր աշխարհում է: Մայրիկը հստակ չի հասկանում, թե ինչ նկատի ունեմ»,- ասել է ֆուտբոլիստի քույրը՝ Լուսիա դո Նասիմենտոն։
Դեկտեմբերի 29-ին հայտնի դարձավ, որ Պելեն կյանքից հեռացել է 82 տարեկանում։ Մահվանից երեք օր առաջ հաղորդվում էր, որ ֆուտբոլիստը հրաժեշտ է տվել ընտանիքի անդամներին ու մտերիմներին։ Նոյեմբերի վերջից Պելեն գտնվում էր հիվանդանոցում՝ աղիների քաղցկեղի հետ կապված բարդությունների պատճառով։ Լրատվամիջոցները հայտնել էին, որ լեգենդար մարզիկի մարմինն այլեւս չի արձագանքում քիմիաթերապիային։