Թունաբանն ամանորյա տոներին սննդային թունավորումներից խուսափելու միջոցներ է առաջարկել

Ամանորյա տոներին սննդային թունավորումներից խուսափելու համար անհրաժեշտ է ճիշտ պահել սնունդը, ասել է թունաբան Միխայիլ Կուտուշովը։ Այս մասին նա խոսել է Газета.Ru-ին տված հարցազրույցում։

Թունաբանը պարզաբանել է, որ ձմեռային արձակուրդներին թունավորումների առաջնային պատճառներից է ավելորդ սննդի ոչ պատշաճ պահպանումը։ Իսկ այս խնդրի ռիսկը նվազեցնելու ամենահեշտ միջոցը սնունդը սառնարանում պահելն է։ «Սովորաբար տոնական սեղանի համար նախօրոք են պատրաստում և շատ ավելին, քան ուտում-խմում են։ Ավելցուկները պահվում են ոչ թե սառնարանում, այլ պատշգամբում կամ սենյակներում։ Բացի այդ, հաճախ տարբեր մթերքներ պահվում են մեկ տեղում։ Սա հանգեցնում է ստամոքսի հետ կապված խնդիրների»,- ասել է Կուտուշովը:

Բացի այդ, ըստ նրա, ամանորյա տոներին բժիշկները ավանդաբար նկատում են պահածոյացված սննդային թունավորումների աճ։ Որպեսզի դա տեղի չունենա, ոչ մի դեպքում չի կարելի ուտել տնական կամ խանութից գնված պահածոներ՝ ուռած կափարիչով, պղտոր հեղուկով կամ բանկայի մեջ բորբոսով: Կուտուշովը զգուշացրել է՝ եթե առկա է այս սրանցից թեկուզ մեկը, ապա պահածոները պետք է դեն նետել։