Թուրքիան և Պակիստանը ռազմածովային զորավարժություններ են անցկացրել

Պակիստանի և Թուրքիայի ռազմածովային ուժերը Արաբական ծովի հյուսիսային հատվածում անցկացրել են Turgutreis-VII զորավարժությունները։ Այս մասին հայտնում է Daily Pakistan-ը՝ վկայակոչելով Պակիստանի ռազմածովային ուժերի ներկայացուցչին։

Զորավարժությունները ներառել են տարբեր ռազմածովային գործողություններ, այդ թվում՝ պաշտպանություն ասիմետրիկ հարձակումներից, հակաօդային պաշտպանության զորավարժություններ և համատեղ համակարգված պարեկություն։

Հրատարակության համաձայն՝ վարժանքների հիմնական նպատակը երկու երկրների ռազմածովային ուժերի մասնագիտական ​​հմտությունների ու փոխգործունակության կատարելագործումն է եղել։