Ադրբեջանը Եվրոպա է արտահանել գրեթե 20 միլիարդ խորանարդ մետր գազ

2020 թվականի դեկտեմբերի 31-ից ի վեր Ադրբեջանը Տրանսադրիատիկ գազատարով (TAP) Եվրոպա է արտահանել ավելի քան 19,4 միլիարդ խորանարդ մետր գազ, սոցցանցերում հայտնել է Ադրբեջանի էներգետիկայի նախարար Փարվիզ Շահբազովը։

Եվրոպա՝ Իտալիա, Հունաստան եւ Բուլղարիա մատակարարումները սկսվել են 2020 թվականի դեկտեմբերի 31-ին, մատակարարումների ծավալը 2021 թվականին կազմել է 8,2 միլիարդ խորանարդ մետր։

2022 թվականին արտահանման ծավալը կանխատեսվում է 22-ից 23 միլիարդ խորանարդ մետր, այդ թվում՝ Եվրոպա՝ 11,3 միլիարդ խորանարդ մետր, 2023 թվականին՝ 24 միլիարդ խորանարդ մետր, այդ թվում՝ Եվրոպա՝ առնվազն 11,6 միլիարդ խմ։