Իսլամական գործիչների մահը ընդգծում է Ադրբեջանում քաղաքական և կրոնական տարաձայնությունները. EurasiaNet

Հասարակության արձագանքն իսլամի հետ կապված երկու շատ տարբեր ադրբեջանցի գործիչների վերջին մահվանը, նույն օրը, ընդգծեց այս երկրում քաղաքական-կրոնական պառակտումը: Այս մասին գրում է EurasiaNet-ը։

Մարտի 2-ին 48 տարեկան հասակում Բաքվի իր տանը սրտի կաթվածից մահացել է ադրբեջանցի առաջատար աստվածաբան Հաջի Շահին Հասանլին։ Հասանլին Ադրբեջանի ամենահայտնի կրոնական գործիչներից էր։ Եղել է Բաքվի մզկիթի իմամը և Կովկասի մահմեդականների գրասենյակի լիազոր ներկայացուցիչը։ Նա քննադատաբար էր վերաբերվում Իրանին, որի շիա աստվածապետական ​​առաջնորդները շարունակում են լարված հարաբերություններ պահպանել Ալիևի ռեժիմի հետ: Հասանլիի հաջող կողմնորոշումը կրոնի և քաղաքականության մեջ նրան դարձրեց հանրաճանաչ գործիչ։ Հետևաբար, երիտասարդ տարիքում նրա անսպասելի մահը վշտացրեց ողջ քաղաքական սպեկտրի ադրբեջանցիներին: Հուղարկավորությանը ներկա են եղել գործիչներ ինչպես իշխող կուսակցությունից, այնպես էլ ընդդիմությունից։

Քաղաքի մյուս ծայրում, նույն օրը, դատարանի դահլիճում մահացավ  իսլամիստ ակտիվիստ Սաբուխի Սալիմովը՝ նույնպես սրտի կաթվածից, ով երկար ժամանակ հացադուլ էր հայտարարարել։ Նա մեղավոր էր ճանաչվել պետական ​​դավաճանության մեջ և անցյալ նոյեմբերին Բաքվի ծանր հանցագործությունների դատարանը նրան դատապարտել էր 17 տարվա ազատազրկման։

Ադրբեջանում շատերը, այդ թվում՝ ակտիվիստների համայնքի ոչ իսլամիստ հատվածը, Սալիմովի հացադուլի մասին տեղեկացել են միայն նրա մահից հետո: Նրա հուղարկավորությանը քիչ գրավեց լրատվամիջոցների ուշադրությունը, հատկապես Հասանլիի հուղարկավորության հետ համեմատած, և որոշ դիտորդներ նշել են անհամապատասխանությունը:

«Սա ցույց է տալիս Ադրբեջանում կրոնական գործիչների շուրջ ստեղծված իրավիճակը։ Եթե ​​դուք առաջ չեք տանում պետության շահերը, եթե չեք կրկնում այն, ինչ ասում են իշխանությունները, ապա չեք կարող ձեր հավատքը դավանել այնպես, ինչպես ուզում եք»,- գրել է գրող և բլոգեր Սամադ Շիխին Facebook-ում։