ԱՄՆ պետական ​​պարտքը սպառնում է համաշխարհային տնտեսությանը, սակայն Վաշինգտոնը չի շտապում ինչ-որ բան անել. The Economist

Ռեկորդային պետական ​​պարտքի պատճառով` ԱՄՆ-ն կարող է բախվել դեֆոլտի կամ ծախսերի կտրուկ կրճատման։ Իրադարձությունների զարգացման երկու տարբերակներն էլ սպառնում են համաշխարհային տնտեսությանը, սակայն պետությունը չի շտապում ինչ-որ կերպ շտկել իրավիճակը։ Այդ մասին գրում է The Economist-ը։

ԱՄՆ-ն կա՛մ դեֆոլտ կկատարի իր սուվերեն պարտքի գծով, կա՛մ պետք է կտրուկ կրճատի պետական ​​ծախսերը: Երկու տարբերակներն էլ կործանարար կլինեն համաշխարհային շուկաների համար: Դեֆոլտը կխաթարի վստահությունը աշխարհի ամենակարևոր ֆինանսական համակարգի նկատմամբ, իսկ հարկաբյուջետային խիստ կրճատումները խորը անկում կառաջացնեն: Այնուամենայնիվ, պարտքի առաստաղը զուտ քաղաքական է, որը տնտեսական իմաստ չունի: Միևնույն ժամանակ, ԱՄՆ-ում առկա խնդիրը քաղաքական լուծում չունի, քանի որ պաշտոնյաներն իրենց քննարկումներում փակուղի են մտնում։

Հրատարակությունը նշել է, որ համաշխարհային շուկան հույս ունի, որ ԱՄՆ-ի քաղաքական գործիչները կկարողանան համաձայնության գալ և ելք գտնել փակուղուց։ Եթե ​​դա տեղի ունենա, «բյուջետային մարմնամարզությունը» կրկին կվերանա։ Ընդ որում, նման իրավիճակը չափազանց անցանկալի է, քանի որ երկրի ֆինանսական համակարգի հիմքերը ամեն անգամ դառնում են ավելի քիչ կայուն։

Շուկայի փորձագետները համակարծիք eն, որ ԱՄՆ պաշտոնյաների կողմից իրենց տնտեսական քաղաքականության մեջ որևէ բան փոխելու ցանկության բացակայությունը հսկայական խնդիր է։ Կոշտ բարեփոխումների բացակայությունն արդեն իսկ նշանակում է, որ հարկերը չեն բարձրանում, և դեմոկրատների համար գնալով` ավելի դժվար է դառնում հարկաբյուջետային քաղաքականության կայուն ծրագիր մշակելը: Միաժամանակ, տնտեսական քաղաքականության փոփոխությունները, ամենայն հավանականությամբ, տեղի կունենան ծանր ճգնաժամի դեպքում: Այնուամենայնիվ, այդ դեպքում կլինեն ծախսերի իսկապես կտրուկ կրճատումներ, որոնք կհանգեցնեն լուրջ ճգնաժամի: