Գործադիրին առընթեր կառույցների ղեկավարները օր-օրի հարստանում են

Շատ հաճախ լրատվամիջոցների ուշադրությունից վրիպում է, թե ինչ ունեցվածք և եկամուտ են հայտարարագրել մշտապես ստվերում գտնվող այն պաշտոնյաները, ովքեր կամ հենց իրենք են պարապուրդի մատնված կամ էլ նրանց ղեկավարած կառույցները: Այդպիսի կառույցների թվին կարելի է դասել կառավարությանն առընթեր մարմինները և նրանց ղեկավարներին, որոնց մասին հիշում ենք առիթից առիթ, իսկ եթե առիթը այդպես էլ չի հասունանում՝ չենք էլ հիշում:

Սփյուռքի գործերի գլխավոր հանձնակատար Զարեհ Սինանյանի նախորդ տարվա հայտարարագրի համաձայն՝ վերջինիս արժեթղթերը կազմել են 336 հազար դոլար, որոնք նա ձեռք է բերել 2004 թվականին: Գործարքի մյուս կողմը «Նեյշնլ լայֆ գրուպ» ընկերությունն է: Սինանյանը հայտարարագրել է, որ ունի 15 000 դոլարանոց ռոյալ: Բանկային հաշվին առկա մնացորդը կազմել է 116 հազար 276 դոլար եւ 2 մլն 379 հազար դրամ: Պաշտոնյայի կանխիկ գումարն է ավելացել, եթե տարեսկզբին նա ունեցել է 20 000 դոլար, ապա տարեվերջին այն դարձել է 25 000 դոլար: Սինանյանի 2021 թվականի եկամուտը կազմել է 14 մլն 688 հազար դրամ եւ 63 հազար 749 դոլար: Պաշտոնյան ծախսերի հայտարարագիր չի ներկայացրել: Նրա ամսական աշխատավարձը կազմել է 1 մլն 224 հազար դրամ, որը ստացել է վարչապետի աշխատակազմից: Իսկ Internal Revenue Service-ից նա ստացել է 41 հազար 777 դոլար, FTB-ից՝ 21 հազար 972 դոլարի եկամուտ: Ի դեպ, 2020 թվականի հայտարարագրում նշված է, որ Սինանյանը «Անուր» ընկերությանը 284 մլն 403 հազար դրամի չափով փոխառություն է տվել:

Պետական վերահսկողական ծառայության ղեկավար Ռոմանոս Պետրոսյանը 2022 թվականի սկզբում իր բանկային հաշիվներին ունեցել է 3 մլն 60 հազար դրամ, որը տարվա վերջին դարձել է 8 մլն 605 հազար դրամ, իսկ, ահա, նրա կանխիկ գումարը 5 մլն-ից տարեվերջին դարձել է 3 մլն։ Սա՝ այն դեպքում, երբ մեկ տարում Պետրոսյանը 21 մլն դրամից ավելի եկամուտ է ունեցել, որից 19 մլն դրամը նրա աշխատավարձն է, իսկ մյուս մասն էլ նա ստացել է Պետական եկամուտների կոմիտեից։ Ռոմանոս Պետրոսյանը նաեւ վարկ ունի, եւ տարեվերջին մայր գումարի մնացորդը 24 մլն դրամ է եղել, իսկ մեկ տարվա ընթացքում այդ վարկի մարման համար նա ծախսել է 2 մլն 581 հազար դրամ։ Ըստ հայտարարագրի՝ նա հանդիսանում է «Աբովյանի բազմագործառութային պետական քոլեջ» ՊՈԱԿ կառավարման խորհրդի նախագահը։ Նրա կինն էլ աշխատում է այս քոլեջում եւ 2 մլն դրամ աշխատավարձ է ստացել։ Ավելին՝ վերջինս 2021 թվականին 2007 թվականի արտադրության Mercedes-Benz մակնիշի ավտոմեքենա է գնել»:

Քաղավիացիայի կոմիտեի նախագահ Միհրան Խաչատրյանը հայտարարագրել է TOYOTA մակնիշի ավտոմեքենա, բանկային հաշիվների մնացորդը կազմել է 800,000.00 դրամ և  400 եվրո, կանխիկ դրամը՝ 500,000.00 դրամ: Հաշվետու տարվա եկամուտները կազմել են 527,000.00 դրամ:

Զբոսաշրջության կոմիտեի ղեկավար Սիսիան Պողոսյանը հայտարարագրել է երկու բնակարան Կանադայում, Հայաստանի Հանրապետության օրենսդրության համաձայն նոր կառուցված, ձեռք բերված և անշարժ գույքի կադաստր վարող լիազոր մարմնի կողմից հաշվառված ու գնահատված այն շինությունները, որոնք դեռևս չեն ստացել իրավունքների պետական գրանցում, ինչպես նաև սեփականության կամ հողօգտագործման իրավունք ունեցող անձանց կողմից այդ հողամաuի վրա ինքնակամ կառուցված շենքերը և շինությունները, այդ թվում՝ բազմաբնակարան շենքերում կամ շենքերին կից ինքնակամ կառույցները, բանկային հաշվի մնացորդները կազմել են 330,000.00 դրամ և 23,000.00 կանադական դոլար: 

Շուկայի վերահսկողության տեսչական մարմնի ղեկավար Արմեն Կոտոլյանը հայտարարագրել է հետևյալ գույքն ու եկամուտները.

Վիճակագրական կոմիտեի ղեկավար Ստեփան Մնացականյանի գույքն ու եկամուտները ներկայացնում ենք ստորև.

ՊԵԿ նախագահ Ռուստամ Բադասյանը հայտարարագրել է բնակարան Արաբկիր վարչական շրջանում, MERCEDES-BENZ մակնիշի ավտոմեքենա, 5 մլն 565 հազար դրամի եկամուտ և 2,773,904.00 դրամի բանկային հաշիվների մնացորդ, էլեկտրոնային հաշիվները կազմել են 30,907.00 դրամ:

Կառավարությանն առընթեր Քաղաքաշինության, տեխնիկական եւ հրդեհային անվտանգության տեսչական մարմնի ղեկավար Գարեգին Խաչատրյանի համար 2022 թվականի ձեռքբերումների տարի է եղել։  Մասնավորապես, նա այդ տարի անհատական բնակելի տուն եւ հասարակական նշանակության շինություն է նվիրատվություն ստացել։ Ումից, ինչի դիմաց՝ պարզ չէ պաշտոնական փաստաթղթերից: Տարվա ընթացքում Խաչատրյանը նաեւ վաճառել է մեկ հողամաս, իսկ տարվա վերջում ունեցել է հինգ հողամաս։ 2022 թվականին տեսչական մարմնի ղեկավարը նաեւ 2 մլն դրամով 2017 թվականի արտադրության «Մազդա» է գնել, նաեւ 15 մլն դրամով վաճառել իր մեքենան։ Տարվա ընթացքում նա 61 մլն դրամ եկամուտ է ունեցել, որը գոյացել է աշխատավարձից, ստացված փոխառություններից, գույքի օտարումից։ Տարվա վերջում նրա կանխիկ դրամը 9 մլն է եղել:

Սննդամթերքի անվտանգության տեսչական մարմնի ղեկավար Արմեն Հայրապետյանը հայտարարագրել է Հայաստանի Հանրապետության օրենսդրության համաձայն նոր կառուցված, ձեռք բերված և անշարժ գույքի կադաստր վարող լիազոր մարմնի կողմից հաշվառված ու գնահատված այն շինությունները, որոնք դեռևս չեն ստացել իրավունքների պետական գրանցում, ինչպես նաև սեփականության կամ հողօգտագործման իրավունք ունեցող անձանց կողմից այդ հողամաuի վրա ինքնակամ կառուցված շենքերը և շինությունները, այդ թվում՝ բազմաբնակարան շենքերում կամ շենքերին կից ինքնակամ կառույցները:, բնակարան գնված 2021 թվականին, VAZ և LEXUS մակնիշի ավտոմեքենաներ, 3,500,000.00 դրամի հանձնված և վերադարձված փոխառություններ, 5,000,000.00 կանխիկ դրամ և 37,000.00 ԱՄՆ դոլար:  Եկամուտները կազմել են 52,130,416.00 ՀՀ դրամ: