Հեղափոխական պաշտոնյաների աշխատանքի ՕԳԳ-ն. Ռոբերտ Խաչատրյան

Շարունակելով վերլուծել բարձրաստիճան պաշտոնյաների աշխատանքի արդյունավետությունն՝ այսօր կանդրադառնանք ԲՏԱ նախարար Ռոբերտ Ղուկասյանին:

Եվ այսպես, մայիսին իշխանությունները հայտարարեցին հայկական արբանյակի գործարկման մասին, սակայն մինչ օրս դրա աշխատանքի արդյունքները չեն հրապարակվել։ Նախարարությունն արբանյակից լուսանկարներ է հրապարակել միայն մեկ անգամ, սակայն մշակված և ցածր որակի։ Այս առումով ԲՏԱ նախարարությունը հայտնվեց քննադատության ալիքի տակ: 

Հաջորդ իրադարձությունը շատ ավելի նման էր սկանդալի, քան այս մեկը: Կառավարության 2022-ի դեկտեմբերի 1-ի որոշմամբ՝ 10 մլրդ դրամ պետական աջակցություն տրամադրվեց տեղեկատվական տեխնոլգիաների (ՏՏ) ոլորտի ընկերություններին: «ՀԵՏՔ» պարբերականն, ունենալով այդ ընկերությունների մի մասի ցանկը, պարզել էր, որ դրանցից 14-ը գործունեությունը ժամանակավոր դադարեցրել են, 4-ը լուծարման գործընթացում է։ Սրանցից շատերը, մինչ Բարձր տեխնոլոգիական արդյունաբերության նախարարության (ԲՏԱ) հետ դրամաշնորհի պայմանագիր կնքելը, արդեն դադարեցրած են եղել իրենց գործունեությունը։ Ստացվում է՝ ԲՏԱ նախարարությունը ֆինանսապես աջակցել է ընկերությունների, որոնք արդեն իսկ ժամանակավորապես դադարեցրած են եղել իրենց գործունեությունը։ 18 ընկերությունները միասին պետությունից, որպես դրամաշնորհ, ստացել են 190 մլն դրամ։ Ընկերություններից 8-ը պատկանում է օտարերկրյա քաղաքացիների կամ կազմակերպությունների։  ԲՏԱ նախարարության հետ պետական աջակցության պայմանագիր կնքած ընկերություններից չորսն այժմ լուծարման գործընթացում են, դրանցից երեքը պատկանում են օտարերկրյա կազմակերպությունների։ Այսպիսով, պետությունը դրամաշնորհային ծրագրով փորձում էր աջակցել ՏՏ ոլորտի ընկերություններին, որ նրանք կարողանան հաղթահարել ֆինանսական խնդիրները, բայց այս ընկերությունները լուծարման են գնացել դրամաշնորհը ստանալուց կարճ ժամանակ անց: «Օպտիմ Արմենիա» ընկերությունը լուծարման գործընթաց է սկսել հենց պայմանագրի կնքման օրը՝ ստանալով 46 մլն դրամ: Չորս ընկերությունները («Օպտիմ Արմենիա» ՍՊԸ, «Մատերիալ էքսչենջ էյէմ» ՍՊԸ, «Կապիտալ հելթքեր» ՍՊԸ, «Հայլըրն» ՓԲԸ) միասին պետությունից, որպես դրամաշնորհ, ստացել են 103 մլն դրամ։

Այժմ դրականի մասին: 2022 թվականին առաջին անգամ Հայաստանի պատմության մեջ բարձր տեխնոլոգիական արդյունաբերության ոլորտում արձանագրվել է 1 մլրդ դոլարից ավելի շրջանառություն։ Բնագավառի աշխատակիցների թիվն առաջին անգամ գերազանցել է 40 հազարը: Բացի այդ, ՀՀ բարձր տեխնոլոգիական արդյունաբերության նախարարությունը՝ ի դեմս նախարար Ռոբերտ Խաչատրյանի և Հայաստանի գիտության և տեխնոլոգիաների հիմնադրամը (FAST)՝ ի դեմս հիմնադիր տնօրեն Արմեն Օրուջյանի, նոյեմբերի 20-ին համագործակցության հուշագիր են ստորագրել Հայաստանում արհեստական բանականության կրթության խթանման նպատակով։

Այս թեմայով Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան «Չեմ համակերպվում, որ էլ ամառ չէ». Էվա Խաչատրյան Ճիշտ առաջնորդություն ու ճիշտ կազմակերպում և ամեն ինչ կարող ենք վերադարձնել․ Խաչատրյան ՀՀ ռազմական նոր կցորդին Սասուն Խաչատրյանը 2018-ին մեղադրում էր վարձկանության մեջ. «Հրապարակ»