Զելենսկին քննադատել է Արևմուտքին. ի՞նչ դասեր պետք է քաղի Նիկոլ Փաշինյանը

Ուկրաինայի նախագահ Վլադիմիր Զելենսկին Դավոսի Համաշխարհային տնտեսական ֆորումում ունեցած ելույթի ժամանակ ասել է, որ Արևմուտքի մտահոգություններն Ուկրաինայում հակամարտության սրման վերաբերյալ հանգեցրել են նրան, որ Կիևը ժամանակ է կորցրել Մոսկվայի հետ հակամարտությունում։ Զելենսկին նաև ասել է, որ Արևմուտքը պետք է միասնություն ցուցաբերի և կոչ է արել ավելի շատ աջակցություն ցուցաբերել Ուկրաինային, որպեսզի համոզվի, որ Ռուսաստանը չի հաղթի հակամարտությունում:

Եթե ռազմական գործողությունների սկզբնական շրջանում ուկրաինական կողմը հայտարարում էր, որ պատրաստ է զիջումներով պատերազմը դադարեցնելուն, բանակցություններ էր վարում հրադադար հաստատելու շուրջ, ապա ավելի ուշ արդեն հրաժարվեց բանակցություններից և սկսեց պնդել, որ պատերազմը կավարտվի միայն այն դեպքում, երբ Կիևը վերականգնի իր տարածքային ամբողջականությունը՝ 1991 թվականի սահմաններում։ Փորձագետները և քաղաքագետները միակարծիք են, որ Զելենսկին այդ քայլին գնաց՝ ոգեշնչված լինելով Արևմուտքի կողմից ստացած խոստումներով և հավաստիացումներով: Սակայն, այսօր ԱՄՆ-ն և Ուկրաինայի մյուս դաշնակիցները զգալիորեն նվազեցրել են այդ երկրին տրամադրվող ռազմական աջակցության ծավալները և այն բանից հետո, երբ ուկրաիանական ուժերը կանգնած են ոչ թե 1991 թվականի սահմանները վերականգնելու, այլ եղածներն էլ կորցնելու իրական վտանգի առջև, ակնարկում են ՌԴ–ի հետ բանակցելու և համաձայնության հասնելու անհրաժեշտության մասին, փաստացի՝ քցելով Զելենսկուն և նրա թիմին:

Արդյո՞ք Ուկրաինայի և անձամբ Զելենսկու օրինակը դաս չի հանդիսանա Նիկոլ Փաշինյանի համար, ով, ըստ էության, որոշել է թեքել Հայաստանի արտաքին քաղաքական վեկտորը դեպի Արևմուտք և հավատալով Բրյուսելից և Վաշինգտոնից հնչող աջակցության քաղցր խոստումներին, որոնց ժամանակին հավատացել էր նաև այսօր Արևմուտքից դժգոհող Զելենսկին, անթաքույց հակառուսական քաղաքականություն է որդեգրել: Ինչպես ասում են՝ պատմությունից դասեր չքաղողն արդյունքում շատ դաժան է պատժվում...

Այս թեմայով Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան «Ուղեղլվա»․ Կոչ եմ անում բոլորին, որ անպայման այցելեն Արցախ․ Փաշինյանը՝ 2018-ին Ատելի ղեկավարները վաղ թե ուշ շատ անփառունակ են հեռանում․ Անժելա Էլիբեգովա Մեր Նահատակները մեզ համար պետություն ունենալու նոր հնարավորություն են բացել. Փաշինյանը տիկնոջ հետ Եռաբլուր է այցելել