Շնչառական մարմնամարզություն. ինչ է դա և ինչու է դա անհրաժեշտ

Ժամանակակից աշխարհում շատ բան է  փոխվել։ Եվ նույնիսկ այն, թե ինչպես ենք մենք շնչում. մենք դադարել ենք ճիշտ շնչել: Իսկ շնչառական տեխնիկան, ինչպես հայտնի է, մի շարք առավելություններ է տալիս մեր մարմնին, այդ թվում՝ իջեցնում արյան ճնշումը և սրտի զարկերը և բարելավում մարմնի հանգստացումը: Թոքաբան և կրծքային վիրաբույժ Բեկդաուլետ Ակիմնիյազովան բացատրում է, թե ինչ են իրենցից ներկայացնում շնչառական վարժությունները, ինչու են դրանք անհրաժեշտ և ինչպես ճիշտ շնչել։

Շնչառական մարմնամարզությունը ձեր առողջությունը բարելավելու բնական միջոց է ձեր շնչառության հետ աշխատելու միջոցով: Շնչառությունը մեր կյանքի հիմքն է։ Առաջին շնչով ու լացով սկսվում է մեր գոյությունը։ Ուստի ճիշտ շնչելու ունակությունը առողջության գրավականն է։

Շնչառական մարմնամարզությունով զբաղվելը օգտակար է բոլորի համար։ Այնուամենայնիվ, կարևոր է հստակեցնել, որ սա պարզապես հանգիստ շնչառություն չէ, այլ վարժությունների մի ամբողջ շարք, որոնք ներառում են կրծքավանդակի, դիաֆրագմայի, որովայնի և երբեմն ամբողջ մարմնի մկանները: Ավելի վաղ Ակիմնիյազովան նկարագրել էր, թե ինչպես են հիվանդները զարմանում, երբ ասում եմ նրանց, որ ծխելը նույնպես շնչառական վարժություն է։ Վիրաբույժը հիշեցնում․ «Դու ներշնչում ես, արտաշնչում, այս ամենը տեղի է ունենում որոշակի տեմպերով։ Երբ մարդիկ սկսում են դա հասկանալ, նրանք աստիճանաբար թողնում են ծխելը», - ասել է նա։

Սկզբում դժվար է թողնել ծխելը, հատկապես, եթե երկար ժամանակ ծխող եք: Նիկոտինի փոխարինող թերապիան (մաստակ, պլաստիրներ) օգնում է հեշտացնել այս խնդիրը, դուք կարող եք նաև զգալիորեն նվազեցնել մարմնին հասցված վնասը՝ անցնելով սիգարետի այլընտրանենքրի (էլ․ սիգարետ, տաքացվող ծխախոտ, սնուս․․․), ընդ որում բացառելով քաղցկեղածինները և թունավոր ծուխը։ Հետագայում ավելի հեշտ կլինի ամբողջությամբ թողնել ծխելը։

Պետք է հաշվի առնել, որ կան իրավիճակներ, որոնց դեպքում շնչառական մարմնամարզությունը կարող է հակացուցված լինել՝ հիպերտոնիա, արդեն գրանցված սրտի կաթված, սրտանոթային հիվանդություններ, քրոնիկական հիվանդությունների սրացումներ կամ սուր վիրուսային վարակներ։ Նման դեպքերում հանգիստ է անհրաժեշտ։ Մնացած բոլոր առումներով շնչառական վարժությունները առողջության բարելավման հիանալի միջոց կլինեն։

Կարող է հարց առաջանալ թե ինչո՞ւ սովորել ճիշտ շնչել, եթե խնդիրներ չկան։ Ինչպե՞ս կարող եմ իմանալ, թե սխալ եմ շնչում:

Ո՞րն է ճիշտ շնչառությունը:

Միակ ճիշտ շնչառությունը օգտագործում եմ նորածինները։ Կյանքի առաջին ամիսներից նրանց համար կարեւոր գործոն է շնչառությունը, որն ապահովում է նորմալ աճ ու զարգացում։ Նրանք շնչում են բացառապես քթով, իսկ ռնգային շնչառությունը առաջին ճիշտ ճանապարհն է։ Քթի խոռոչի երեք գործառույթների շնորհիվ (օդը խոնավացնելը, օդը տաքացնելը և օդը մաքրելը) այն առանցքային դեր է խաղում մարմնի առողջության և բարեկեցության պահպանման գործում։ Բայց ժամանակի ընթացքում կյանքում սթրեսային պահերը միանում են, և որոշ մարդիկ քթային շնչառությունից փոխվում են խառը շնչառության կամ նույնիսկ բերանով շնչելու:

Երկրորդ մեթոդը կամ բաղադրիչը դիաֆրագմատիկ շնչառությունն է: Ներշնչման և արտաշնչման մեթոդի հիման վրա կա շնչառության երկու տեսակ.

1. Կրծքավանդակի տեսակ - երբ ներշնչումը և արտաշնչումը տեղի է ունենում հիմնականում կրծքավանդակի միջոցով և կրծքավանդակի մկանների մասնակցությամբ;
2. Շնչառության որովայնային տեսակ- որովայնի պատի մկանների մասնակցությամբ դիաֆրագմայի հարթեցում։

Շնչառության ճիշտ, ավելի ֆիզիոլոգիական տեսակ է համարվում որովայնային կամ դիֆրագմատիկ շնչառությունը։ Եվ կրկին միայն նորածիններն են ճիշտ շնչում։ Ցանկացած այլ բան սխալ է համարվում: Ժամանակի ընթացքում փոփոխություններ են տեղի ունենում կյանքի սթրեսային իրավիճակների պատճառով՝ առաջին լացը, առաջին անկումը, հիվանդությունը, և մարմինը սկսում է ներառել օժանդակ զինանոց՝ խնդիրները հաղթահարելու համար: Այնուհետև սթրեսը շարունակաբար մտնում է մարդու կյանք, ուստի մարմինը սկսում է շնչել այնպես, որ անընդհատ հաղթահարի այն:

Շնչառական մարմնամարզություն օգնում է ձեզ հիշել, թե ինչպես ճիշտ շնչել: Մենք բոլորս գիտենք, և հիշում ենք, թե ինչպես դա անել, բայց կյանքի ընկալումը փոխել է նույնիսկ շնչելը:

Վարժություններ և շնչառական մարմնամարզության առավելությունները

Շնչառական մարմնամարզության վարժությունների օգնությամբ բուժվում են բրոնխների, թոքերի հիվանդությունները, ամրապնդվում է ոսկրային կապանային համակարգը։ Մարդու ընդհանուր վիճակը բարելավվում է՝ ակտիվությունն ու կենտրոնացումը մեծանում են, քունը ավելի հաճելի է դառնում, ֆիզիկական պատրաստվածությունը բարելավվում։

Վարժությունները կարելի է կատարել օրական 30 րոպե առանց մեծ ջանքերի, սակայն ազդեցությունը զգացվում է գրեթե անմիջապես, իսկ տեսանելի արդյունքը կամրապնդվի երկար տարիների համար ։

Գոյություն ունեն շնչառական մարմնամարզության բազմաթիվ տեսակներ, բայց դրանք բոլորն էլ գործում են հետևյալ սկզբունքներով.

• արհեստական ​​դժվարություն
• շունչը պահելով
• դանդաղ շնչառություն

Կան նաև թոքային մարմնամարզության բազմաթիվ տարբերակներ

• Ա.Ն. Ստրելնիկովայի կողմից ներկայացված շնչառական մարմնամարզությանվարժություններ (ժողովրդականություն է ձեռք բերել անցյալ դարում)
• Բուտեյկոյի մեթոդը (բրոնխոթոքային, ալերգիկ և մի շարք այլ հիվանդությունների բուժման մեթոդ)
• Մարինա Կորպանի կողմից շնչառություն քաշի կորստի համար
• Վիմ Հոֆի մեթոդ (այն կօգնի ձեզ տաքանալ ցրտին և վերահսկել ձեր նյարդային համակարգը)

Ընտրությունը կախված է նպատակից, որը դուք ինքներդ եք ձեր առջև դնում։ Եթե ձեզ անհրաժեշտ է նիհարել, կա qigong, pranayama, bodyflex, oxysize, հանգստացնելու համար շատ օգտակար է շնչառական յոգան և հաշվելով շնչառությունը և 4-7-8 տիպի համաձայն, շնչառությունը հաշվելու համար։ Շնչառությունն առանձնահատուկ է դառնում վազքի և այլ ֆիզիկական ծանրաբեռնվածության ժամանակ: Կա մարմնամարզություն ուշադրության կենտրոնացման, հանգիստ քնի համար, հետկովիդային և այլն: Այստեղ գլխավորը տեխնիկայի հաստատումն ու կանոնավորության պահպանումն է։

Աղբյուրը՝ laikos.kz

Այս թեմայով Հայաստանում դինամիկ զարգանում է բժշկական և գործարար զբոսաշրջությունը. Էկոնոմիկայի փոխնախարար Ադենոիդների գերաճը երեխաների շրջանում հաճախ հանդիպող շնչառական խնդիրների պատճառ կարող է լինել․ ԱՆ Սուր շնչառական վարակներով պայմանավորված հիվանդացությունը նվազել է 1.1 անգամ Սուր շնչառական հիվանդությունների պատճառը վիրուսներն են, որոնց վրա հակաբակտերային դեղերը չեն ազդում ՀՀ ԱՆ-ն սուր շնչառական վարակների դեմ պայքարի միջոցներ է ներկայացրել