Մեկնարկում է «Քույր դպրոցներ» ծրագրի աշնանային շրջափուլը. նախատեսված է 10 փոխայցելություն

ՀՀ կրթության, գիտության, մշակույթի և սպորտի նախարարության աջակցությամբ հոկտեմբերի 1-ին մեկնարկում է Երևանի և մարզերի երաժշտական և արվեստի դպրոցների փոխգործակցության «Քույր դպրոցներ» ծրագրի աշնանային շրջափուլը:

Երևանի Ալ. Հեքիմյանի անվան երաժշտական դպրոցի նախաձեռնությամբ իրականացվող ծրագիրը 5 տարիների ընթացքում իր շուրջն է համախմբել հանրապետության ավելի քան 60 երաժշտական և արվեստի դպրոցների շուրջ 3000 սովորողների և մանկավարժների:

ԿԳՄՍՆ-ից հայտնում են, որ մշակութային ապակենտրոնացման և տարածքային համաչափ զարգացման, արտադպրոցական ուսուցում իրականացնող հաստատությունների միջև կապեր ստեղծելու, ինչպես նաև համատեղ աշխատանքի և փորձի փոխանակման հարթակ տրամադրող ծրագրի աշնանային շրջափուլի մեկնարկը կտրվի Վանաձորում: Երևանի Մ. Մալունցյանի անվան արվեստի դպրոցի պատվիրակությունը կհյուրընկալվի Է. Կզարթմյանի անվան երաժշտական դպրոցում:

Համատեղ համերգային ծրագրից բացի՝ Երևանից ժամանած մասնագետները Վանաձորի երաժշտական և արվեստի դպրոցների սաների համար կիրականացնեն վարպետության դասեր, որից հետո Վանաձորի կերպարվեստի թանգարանում կկազմակերպվի ճանաչողական այցելություն Երևանից ժամանած երեխաների համար: 

Երևանի և ՀՀ մարզերի երաժշտական և արվեստի դպրոցների փոխգործակցության «Քույր դպրոցներ» ծրագրի աշնանային շրջափուլի շրջանակում նախատեսված է 10 փոխայցելություն, որին կմասնակցեն Երևանի և Հայաստանի բոլոր մարզերի երաժշտական և արվեստի դպրոցների շուրջ 250 սովորողներ և մանկավարժներ:

ՀՀ կրթության, գիտության, մշակույթի և սպորտի նախարարության աջակցությամբ իրականացվող «Քույր դպրոցներ» ծրագիրն ունի նաև ճանաչողական բաղադրիչ. Երևանի և ՀՀ մարզերի երեխաները ստեղծագործական ծրագրերից բացի՝ այցելություններ են կատարում տեսարժան վայրեր, թանգարաններ: Մանկավարժների և ոլորտի պատասխանատուների համար ծրագիրը դարձել է փորձի փոխանակման, խորհրդատվության, ոլորտի հարցերի շուրջ քննարկումներ կազմակերպելու մշտառկա հարթակ:

Այս թեմայով Հայաստանը «Ամերիկյան երկրների մրցունակության փոխանակում» ծրագիրը հյուրընկալող երկիրն է «Փաստ». Հայաստանում կգործարկվի ընտանեկան և կենցաղային բռնություն գործադրած անձանց ռեաբիլիտացման ծրագիրը. նախագիծ Փաշինյանն ուրիշ ծրագիր ունի, եթե այդպես չլիներ, նա կմտածեր Արցախին, Սփյուռքին համախմբելու մասին Փաշինյանն ուրիշ ծրագիր ունի, եթե այդպես չլիներ, նա կմտածեր Արցախին, Սփյուռքին համախմբելու մասին Փաշինյանն ուրիշ ծրագիր ունի, եթե այդպես չլիներ, նա կմտածեր Արցախին, Սփյուռքին համախմբելու մասին