ՍԴ-ն այդ խայտառակ որոշմամբ ուղերձ է հղում Ադրբեջանին, որ անհանգստանալու բան չկա. Վարդան Պողոսյան

«Սահմանադրական դատարանի որոշումը պարզապես խայտառակ որոշում է, քաղաքական որոշում է։ Այն Սահմանադրության ճիշտ մեկնաբանման հետ որևէ աղերս չունի»,-Panorama.am-ի հետ զրույցում նման կարծիք հայտնեց սահմանադրագետ Վարդան Պողոսյանը՝ մեկնաբանելով ՍԴ սեպտեմբերի 26-ի ՍԴՈ-1749 որոշումն ու դրա՝ Անկախության հռչակագրին վերաբերող հատվածը։

Նրա խոսքով, Սահմանդրական դատարանը պարզապես որոշել է, որ Անկախության հռչակագիրը պարզապես մի պատմական փաստաթուղթ է, որը ոչ մի իրավական նշանակություն հայ ժողովրդի համազգային նպատակների տեսանկյունից ընդհանրապես չունի։

«Սա խայտառակություն է։ Երբ Սահմանադրությունն ընդունվում էր, սահմանդրի կամքը շատ հստակ էր՝ Անկախության մասին հռչակագրում հռչակված համազգային նպատակներն ամրագրվեցին Սահմանդրության նախաբանում, այսինքն դարձան Դահմանադրության բաղադրատարր, և բնականաբար իրենք՝ որպես Սահմանդրության բաղադրատարր պահապանում են իրենց իրավաբանական ուժը, իրենց իրավաբանական նշանակությունը։ Ցավոք սրտի, Սահմանդրական դատարանը որոշել է, որ դա այդպես չէ, ինչ-որ մտացածին փաստարկներով փորձել է ապացուցել անապացուցելին։ Սահմանադրական դատարանը, ըստ էության, փաստարկում է, եթե Անկախության մասին հռչակագրում հաստատագրված համազգային նպատակները ուղղակիորեն չեն ամրագրվել Սահմանդրության կոնկրետ հոդվածներում, ապա այդ համազգային նպատակները գոյություն չունեն։ Սա անհեթե մեկնաբանություն է, կրկնում եմ՝ որևէ առնչություն չունի սահմանադրի կամքի հետ»,-ասաց Պողոսյանը։

Հարցին՝ հնարավո՞ր է որևէ կերպ ՍԴ այդ որոշումը չեղարկել, կասկածի ռակ դնել իրավական առումով, փորձագետը պատասխանեց՝ ոչ։

«Իրավական առումով դա անհնար է կասկածի տակ դնել։ այն վերջնական է, Սահմանդրությունը և «սահմանադրական դատարանի մասին» օրենքը հստակ սահմանում են, որ  Սահմանդրական դատարանի որոշումները վերջնական են և բողոքարկման ենթակա չեն։ Ըստ էության, Սահմանդրական դատարանը, լինելով քաղաքական իշխանության կցորդ, առաջ ացնելով քաղաքական իշխանությունից, Ադրբեջանին ուղերձ է հղում, որ Արցախի կլանումը Ադրբեջանի կողմից համապաըասխանում է Հայաստանի Սահմանադրությանը։ Այսինքն այն փաստարկները, որ Ադրբեջանը բերում էր կապված Հայաստանի Սահմանդրության հետ, հիմա Հայաստանի քաղաքական իշխանությունը Սահմանադրական դատարանի միջոցով Ադրբեջանին ուղերձ է հղում, որ անհագստաալու որևէ առիթ չկա, Հայաստանի Հանրապետության Սահմանադրության նախաբանը ՍԴ-ն մեկնաբանում է  այնպես, որ որևէ հակասահմանադրական բան չկա, եթե Արցախն Ադրբեջանի կազմում է»,-մանրամասնեց փորձագետը։