Բժիշկը գնահատել է գարեջրի օգտակարության մասին պնդման ճշմարտացիությունը

Գարեջուրը, ինչպես ցանկացած այլ ֆերմենտացված մթերք, կարող է լավացնել աղիների միկրոբիոտան, սակայն առողջության վրա ընդհանուր առմամբ այն այնքան էլ լավ չի ազդում, հայտարարել է սննդաբան-էնդոկրինոլոգ Ալյոնա Բարեդոն: Ալկոհոլային խմիչքի օգտակարության մասին պնդման ճշմարտացիությունը նա գնահատել է Հինգերորդ ալիքի հետ զրույցում ։

Բժշկուհին պատմել է, որ պորտուգալացի գիտնականների անցկացրած հետազոտությունը ցույց է տվել, որ մեկ ամսվա ընթացքում օրական 300 միլիլիտր գարեջուր օգտագործելը մեծացնում է աղիքներում օգտակար բակտերիաների քանակը: Ըստ նրա, այս տվյալները կարող են իսկապես ճշմարիտ լինել, քանի որ գարեջուրը խմորման միջոցով ստացված արտադրանք է: Ըմպելիքը պարունակում է նաև պոլիֆենոլներ և ֆենոլաթթու՝ նյութեր, որոնք դրականորեն ազդում են օգտակար բակտերիաների քանակի աճի վրա։

Ընդ որում, էնդոկրինոլոգը ուշադրություն է հրավիրել այն հանգամանքի վրա, որ հետազոտության մեջ հաշվի չեն առնվել որոշ կարեւոր նրբերանգներ, Օրինակ՝ ինչ տեղի կունենա, եթե կամավորներն ավելացնեն ալկոհոլային խմիչքի օրական չափաբաժինը: Հայտնի չէ նաև, թե ինչպես է գարեջուրն ազդում սնկային միջավայրի վրա, որն առավել ակտիվ է բազմանում ածխաջրային միջավայրում։ Նրա խոսքով՝ գիտնականները փորձի ընթացքում չեն ուսումնասիրել կենսաքիմիական ցուցանիշների փոփոխությունը, օրինակ՝ շաքարի, խոլեստերինի, լիպիդային եւ ածխաջրային փոխանակումների:

Բարեդոն ընդգծել է, որ հնարավոր է ՝ միկրոբիոտայի վրա գարեջուրը դրականորեն է ազդում, առողջության եւ նյութափոխանակության ցուցանիշների վրա ՝ հազիվ թե ։ Բացի այդ, նա կոչ է արել չմոռանալ ալկոհոլի չարաշահման դեպքում կախվածության առաջացման մասին ։ «Գարեջրի ալկոհոլիզմը մեր իրականության մեջ այլևս հազվադեպ չէ և ընդհանուր առմամբ տարածված հիվանդություն է», - եզրափակեց փորձագետը:

Աղբյուր` Փաստինֆո