Ռուսաստանը ձգտում է վերջ դնել Ուկրաինայի հետ հակամարտությանը. Պուտին

Ռուսաստանի նախագահ Վլադիմիր Պուտինը հայտարարել է, որ Մոսկվան ձգտում է վերջ դնել Ուկրաինայի հետ հակամարտությանը։ Ըստ նրա՝ Ռուսաստանը կշարունակի հասնել հատուկ գործողության նպատակին 2025 թվականին, գրում է Коммерсантъ»-ը։ 

Ճեպազրույցի ժամանակ ՌԴ նախագահին խնդրել են մեկնաբանել 2025 թվականին Ուկրաինայում հակամարտությունը դադարեցնելու հնարավորությունը։ «Ժողովուրդն ասում է. «Երանի ամեն ինչ քո ասածով լիներ»: Մենք ձգտում ենք ավարտին հասցնել հակամարտությունը»,-ասել է Պուտինը։

ՌԴ նախագահը չի մեկնաբանել հակամարտությունը սառեցնելու վերաբերյալ ՄՆ նորընտիր նախագահ Դոնալդ Թրամփի թիմի հայտարարությունները։ «Ես չգիտեմ, թե հիմա ինչ են ասում Միացյալ Նահանգների ընտրված նախագահի թիմում, գիտեմ, որ գործող նախագահ Բայդենն ինձ ասել է դրա մասին դեռ 2021 թվականին, դա ամենևին էլ գաղտնիք չէ։ Նա ինձ հենց դա առաջարկեց՝ 10-15 տարով հետաձգել Ուկրաինայի անդամակցությունը ՆԱՏՕ-ին, քանի որ նա դեռ պատրաստ չէ»,-պատմել է Պուտինը։

ՌԴ նախագահը Բայդենին պատասխանել է նաև, որ ԱՄՆ-ն կարող է ապագայում պատրաստել Ուկրաինային ՆԱՏՕ-ին անդամակցելու համար։ Նրա կարծիքով, պատմական հեռանկարում 10-15 տարին մի ակնթարթ է։ «Ի՞նչ տարբերություն մեզ համար՝ այսօր, վաղը, թե 10 տարի հետո: Այդ առումով ես ծանոթ չեմ ընտրված նախագահի ապագա թիմի այս հայտարարություններին, բայց եթե դա այդպես է, էլ ո՞րն է տարբերությունը ներկայիս վարչակազմի և ձեր նշած առաջարկների միջև։ Ոչ մի տարբերություն»,- հավելել է Պուտինը։

Աղբյուր` news.am