Զինվորների այրված ու մթի մեջ քիմիական թույնով լուսարձակող ձեռքերը մոռանալ չի լինում․ Զոհրաբյան
Բլոգոսֆերա
ԱԺ նախկին պատգամավոր Նաիրա Զոհրաբյանը գրում է.
«Իր ծննդյան օրերի մատույցներում Ալիևի մոտ կրկին պոստկլիմաքսյան սինդրոմ է։ Սեփական ջեբի լրատվամիջոցներին նա պատմել է հայերի կատարած «ռազմական հանցագործությունների» մասին ու պահանջել միջազգային արդարադատություն։
Էս ցինիզմի քարտ բլանշն իր ծնունդը նշող Ալիեւին տվել է հայաստանյան իշխանությունը, որի տարբեր ուսապարկեր, քաղաքական տրուշչոբաներից խաղաղության իդիոտ օրակարգ են ծամում։
Ռազմական հանցագործություններից խոսում է մի երկրի ղեկավար, որի սալդաթները քաղաքացիական անձանց են ողջ-ողջ մորթում, կին զինվորներ են մաշկահան անում, ու թքած ունենալով իրենց իսկ ստորագրած ժնեւյան ու մնացած բոլոր կոնվենցիաների վրա, 44-օրյային քիմիական զենք են օգտագործում։
Այս նկարներն արվել են 44-օրյա պատերազմի վերջին օրերին։
Ադրբեջանի կողմից կիրառված սպիտակ ֆոսֆորի արդյունքում այրված հայ զինվորներն են, որոնց ես այցելել եմ Երեւանի այրավածքաբանության կենտրոնում։
Զարհուրելի պատկեր էր՝ մոխրացած եւ ֆոսֆորից լուսարձակող ձեռքեր, մարմիններ, դեմքեր։ Ու լանչ ծամող միջազգային հանրության ստոիկյան լռություն։
Ես չգիտեմ՝ հիմա ո՞ւր են այս զինվորները։ Բայց նրանց այրված ու մթի մեջ քիմիական թույնով լուսարձակող ձեռքերը մոռանալ չի լինում»։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
