Թրամփի վարչակազմը կարտաքսի անօրինական ներգաղթյալների ընտանիքներին
Աշխարհ
ԱՄՆ նորընտիր նախագահ Դոնալդ Թ
րամփի վարչակազմը երկրից կվտարի անօրինական ներգաղթյալների ընտանիքներին, այդ թվում՝ ծնողներին, որոնց երեխաները ծնվել են ամերիկյան հողում, ասել է հանրապետական վարչակազմի սահմանային անվտանգության հարցերով նոր ղեկավար Թոմաս Հոմանը։
Washington Post-ին տված հարցազրույցում նա ասել է, որ ամերիկյան նոր իշխանությունները մտադիր են արտաքսել ծնողներին՝ նրանց ընտրության հնարավորություն տալով՝ հեռանալ մենակ՝ թողնելով երեխային, կամ տանել իրենց հետ։
«Խնդիրը սա է. դուք գիտեիք, որ երկրում անօրինական եք եղել, երբ որոշել եք երեխա ունենալ: Այնպես որ դուք եք դուք ձեր ընտանիքին նման իրավիճակի մեջ դրել»,-ասել Հոմանը:
Թրամփի վարչակազմի ապագա պաշտոնյան հավելել է, որ Միացյալ Նահանգները կվերադառնա ապօրինի ներգաղթյալների ընտանիքներին կալանքի տակ պահելու պրակտիկային։ Այդ նպատակով նախատեսվում է կառուցել առանձին ժամանակավոր շենքեր՝ դրանցում գտնվելու «փափուկ» պայմաններով։
«Մենք պետք է ցույց տանք ամերիկացի ժողովրդին, որ մենք կարող ենք դա անել և մնալ մարդկային: Մենք չենք կարող կորցնել ամերիկյան ժողովրդի հավատը»,-ասել է Հոմանը:
Դոնալդ Թրամփը ավելի վաղ ասել էր, որ իր պաշտոնավարման առաջին օրը կստորագրի գործադիր հրամանների փաթեթ՝ ամերիկյան սահմանը փակելու անօրինական ներգաղթյալների համար։
Աղբյուր` euromedia24.com
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
