Իրանը ԵՏՄ դիտորդ է, հայ-իրանական սահմանը ստանում է ավելի լայն աշխարհաքաղաքական կարգավիճակ․ քաղաքագետ
Բլոգոսֆերա
Քաղաքագետ Հակոբ Բադալյանը գրում է․
Իհարկե այն, ինչ կատարվել է Սանկտ-Պետերբուրգում Փաշինյանի ու Բատկայի միջեւ, դա շոուն է, առանց որի 21-րդ դարում չի լինում ոչինչ:
Իսկ Սանկտ-Պետերբուրգում տեղի ունեցածում էականը Իրանին ԵՏՄ դիտորդի կարգավիճակ տալն է: Հիշեցնեմ, որ Իրանն առաջին անգամ ԵՏՄ գագաթնաժողովի մասնակցել է 2019 թվականի հոկտեմբերի 1-ին՝ Երեւանում:
Հայաստանն է Իրանի ու ԵՏՄ ցամաքային սահմանը, որն իհարկե ընդհատվում է Վրաստանում, բայց ըստ ամենայնի, թե ռուսների, թե Իրանի համար առավել նախընտրելի է վրացական տրանզիտը, քան՝ ադրբեջանական:
Երբ հոկտեմբերի 8-ին Պուտին-Փաշինյան հանդիպումից հետո տարածվեց տեղեկություն, որ պայմանավորվել են հայ-իրանական սահմանի անձնագրային անցակետում ռուս սահմանապահներին ամբողջապես փոխարինել հայկական ծառայությամբ, նկատեցի, որ դա ժեստ է Իրանին:
Հիմա Իրանը ԵՏՄ դիտորդ է, եւ հայ-իրանական սահմանը ստանում է արդեն ավելի լայն աշխարհաքաղաքական կարգավիճակ: Այդ որոշումը թույլ է տալիս զգուշավոր լավատեսությամբ արտահայտվել այն մասին, որ Ադրբեջանին թերեւս բացատրվել է «զանգեզուրյան միջանցք» «խորագրի» ներքո ռազմական սադրանքի անընդունելիությունը, եւ, ուշադրություն՝ հետեւանքի «անկանխատեսելիությունը»:
Կրկնեմ, այդ միտքն արտահայտում եմ «զգուշավոր լավատեսությամբ»:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
