Նախկին «մահվան ճամբարում» հայտնաբերվել է գրեթե 40 մարդու աճյուն․ ՏԱՍՍ

Բելառուսի ՊՆ 52-րդ առանձին մասնագիտացված որոնողական գումարտակի զինծառայողները Բրեստում՝ Սմիրնովա փողոցում, մոտ 38 հոգու պատկանող ոսկորների մնացորդներ են հայտնաբերել։ Այս մասին հայտնել է Բրեստի շրջանի դատաբժշկական փորձաքննության պետական ​​կոմիտեի վարչությունը, հայտնում է ՏԱՍՍ-ը։

Փորձագետի եզրակացության համաձայն՝ ոսկորների մնացորդները պատկանում են «առնվազն 38 անհատների՝ մոտ 14-16 տարեկանից մինչև մոտ 50-60 տարեկան»: Ոսկորային մնացորդների վրա շրջակա միջավայրի գործոնների ազդեցության առկայությունն ու ծանրությունը վկայում է այն մասին, որ հուղարկավորությունը եղել է ավելի քան 80 տարի առաջ», նշել են վարչությունից՝ հավելելով, որ հուղարկավորությունը ենթադրաբար թվագրվում է Հայրենական մեծ պատերազմի ժամանակաշրջանով։

«Ըստ Բրեստի դատախազության՝ Կարմիր զորանոցի մահվան ճամբարը գտնվում էր այս մերձակայքում», հայտնել են Բրեստի շրջանի Դատաբժշկական փորձաքննության պետական ​​կոմիտեի դեպարտամենտի ներկայացուցիչները։