Zhong Tong մակնիշի 171 ավտոբուսներից 79-ը արդեն Երևանում են

Նոր ձեռքբերված Zhong Tong մակնիշի 171 ավտոբուսներից 79-ը արդեն Երևանում են: Այս մասին, այսօր՝ հոկտեմբերի 21-ին, Երևանի քաղաքապետարանի գործակարգավարական հերթական խորհրդակցության ժամանակ հայտարարեց «Երևան ավտոբուս» ՓԲԸ-ի տնօրեն Բեգլար Կիրակոսյանը։

Քաղաքապետ Տիգրան Ացինյանն էլ իր հերթին հետաքրքրվեց, թե որքան է կազմել այս տարվա սուբսիդիայի չափը։ «Հունվարի 1-ից հունիսի 1-ը՝ 3 մլրդ 273 մլն 621 հազար դրամ, իսկ հունվարի 1-ից առ այսօր 1մլրդ 806 մլն դրամ»,- պատասխանեց Կիրակոսյանը։

Ի պատասխան դրան՝ Ավինյանը նշեց, որ մայրաքաղաքում հասարակական տրանսպորտ ապահովելու համար ծախսերը գնալով ավելանում են, ու ամեն նոր գնված շարժակազմի հետ շարունակելու են ավելանալ։

Նա հայտնեց, որ Երևանի քաղաքապետարանն այս տարվա ընթացքում 7.5 միլիարդ դրամ սուբսիդավորում է հատկացրել «Երևանի ավտոբուս» ՓԲԸ-ին, եւ դեռևս 2.5 մլրդ դրամ էլ պետք է սուբսիդավորվի։ Ավինյանը հավելեց, որ այս տարի գնվել է 171 նոր ավտոբուս, 15 նոր տրոլեյբուս։ «Պետք է շարունակեն այդ ծրագիրն իրականացնել» ,- ընդգծեց քաղաքապետը։