Կպահանջվեն փոխզիջումներ, խաղաղության պայմանագիրը մինչև տարվա ավարտը՝ վերջնականացրեք. Բայդենը նամակ է գրել Ալիևին
Արտաքին Քաղաքական
ԱՄՆ նախագահ Ջոզեֆ Բայդենը նամակ է գրել Ադրբեջանի նախագահ Իլհամ Ալիևին։
Նամակը փոխանցել է ԱՄՆ նախագահի հատուկ օգնական և Ազգային անվտանգության խորհրդի եվրոպական հարցերով ավագ տնօրեն Մայքլ Քարփենթերը, հայտնում է 1news-ը։
Հանդիպմանը Մայքլ Քարփենթերն ընդգծել է, որ ԱՄՆ-ն աջակցում է Հայաստանի և Ադրբեջանի միջև խաղաղ պայմանագրի վաղ ստորագրմանը՝ նշելով, որ ներկա պայմաններում դրա ստորագրման պատմական հնարավորություններ կան։
«Ցանկանում եմ վստահեցնել, որ Միացյալ Նահանգները պատրաստ է աջակցել Ադրբեջանի և Հայաստանի միջև կայուն և արժանապատիվ խաղաղությանը, որը վերջնականապես վերջ կդնի բազմադարյա հակամարտությանը: Խաղաղության պայմանագրի մնացած հոդվածների վերջնականացումը կպահանջի ստեղծագործական մոտեցում և փոխզիջում բոլոր կողմերից: Բայց ես վստահ եմ, որ դուք կշարունակեք հանդիպումները, և ես կոչ եմ անում այս տարի վերջնականացնել պայմանագիրը»,-ասվում է նամակում:
Ընդգծելով, որ խաղաղության պայմանագրի ստորագրմամբ տարածաշրջանային համագործակցության լայն հնարավորություններ կստեղծվեն, Քարփենթերը նշել է, որ Միացյալ Նահանգները պատրաստ է աջակցել այս գործընթացին։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
